रेडक्रस गीतानगरको अध्यक्षमा डाेलनाथ र उपसचिवमा उपेन्द्र पण्डित निर्वाचित

नमस्ते चितवन

आइतबार, माघ १५, २०७९ मा प्रकाशित

माघ १५ ,गीतानगर। नेपाल रेडक्रस साेसाइटी गीतानगर उपशाखाकाे अध्यक्षमा डाेलनाथ अधिकारी (राम)निर्वाचित हुनुभएको छ। माघ १४ गते सम्पन्न निर्वाचनमा अधिकारीले २४५ मत ल्याएर बिजयी बन्नुभएकाे हाे।

उहाँका निकटतम प्रतिस्पर्धी सुर्य काेइरालाले १३१ मत प्राप्त गर्नुभएको थियाे। त्यसैगरी महिला उपाध्यक्षमा आइतिमाया राना मगर बिजयी हुनुभयो । उहाँका निकटतम प्रतिस्पर्धी सरस्वती दाहालले ८५ मत प्राप्त गर्नुभयाे।

सचिवमा कुमार राउत निर्विरोध हुनुभएको छ। काेषाध्यक्षमा डाेलनारायण श्रेष्ठले १५६ मत ल्याएर बिजयी हुँदा निकटतम प्रतिस्पर्धी यादवकुमार लाेहनीले १२६ मत मात्रै प्राप्त गर्नुभयाे। उपसचिवमा उपेन्द्र पण्डितले सर्वाधिक २४६ मत प्राप्त गरेर शानदार बिजय हासिल गर्नुभएको छ। उहाँका निकटतम प्रतिस्पर्धी मिरा तिमिल्सिना न्याैपानेले ९८ मत मात्रै प्राप्त गर्नुभयाे। उपकाेषाध्यक्षमा देवमित्र पन्डित निर्विरोध निर्वािचित हुनुभएकाे थियाे।

त्यसैगरी सदस्यहरुमा शान्तिदेवी वाग्ले,सराेज काेईराला,प्रकाश लामिछाने ,अर्जुन पाैडेल र शुभाषचन्द्र काेईराला बिजयी भएका छन्। याे समितिकाे कार्यकाल दुई बर्षकाे हुनेछ।