तेस्रो तथा अन्तिम खेलमा कलकत्ता विजयी भयो । कलकत्ताले फ्रेन्ड्स भेटेरान कुपोन्डोललाई १(० ले हरायो । उसको जितमा प्रोबिर कुमारले गोल गरे । दोस्रो हाफको २९ औं मिनेटमा उनले गरेको गोल नै निर्णायक बन्यो । कलकत्ताका गोलरक्षक सुरोजित म्यान अफ दि म्याच भए ।
प्रतियोगितामा मंगलबार क्वाटरफाइनल चरणका खेलहरु हुनेछ । पहिलो क्वाटरफाइनल खेलमा बिहान ११ बजे बर्दघाट भेटेरान नवलपरासी र आयोजक चितवन भेटेरान निलो भिड्नेछन् । दोस्रो खेलमा दिउँसो १ बजे साविक विजेता फ्रीडम फाइटर ठमेल र कलकत्ता भेटेरान भारत तथा तेस्रो खेलमा दिउँसो २स्३० बजे एक्स महेन्द्र पुलिस क्लब र चाबहिल भेटेरान भिड्नेछन् । चौथो तथा अन्तिम खेल दिउँसो ४ बजे आयोजक चितवन भेटेरान रातो र थापा गाउँ सुधार समिति भेटेरानबीच हुनेछ ।

चितवन भेटेरान क्लबको आयोजना तथा नारायणगढ लेडी जेसिजको सह आयोजनामा सुरु भएको प्रतियोगिता फागुन ४ गतेसम्म चल्नेछ । प्रतियोगिताको विजेताले एक लाख ५१ हजार प्राप्त गर्नेछ भने उपविजेताले ७५ हजार ५०० रुपैयाँ प्राप्त गर्नेछ।