दयाहाङ राई र मिरुना मगर अभिनित फिल्म ‘जारी’ को ट्रेलर सार्वजनिक

नमस्ते चितवन

शनिबार, चैत ११, २०७९ मा प्रकाशित

चैत्र ११ , काठमाडौं । नयाँ वर्ष अर्थात १ वैशाखबाट प्रदर्शनमा आउने फिल्म ‘जारी’ को ट्रेलर सार्वजनिक भएको छ । राजधानीमा एक कार्यक्रम गर्दै निर्माण युनिटले ट्रेलर सार्वजनिक गरेको हो । ट्रेलरमा दयाहाङ राई र मिरुना मगरले प्रथामिकता पाएका छन् । ट्रेलर हेर्दा फिल्म श्रीमान् श्रीमतीबीचको कथामा निर्माण भएको अनुमान लगाउन सकिन्छ ।

फिल्ममा दयाहाङ र मिरुना पति पत्नीको भूमिकामा रहेका छन् । दयाहाङ र मिरुनाको अलवा रोयदीपको शीर्ष भूमिकामा रहेको फिल्म लिम्बू समुदायमा रहेको जारी प्रथाको कथामा बनेको हो । यसका लेखक तथा निर्देशक उपेन्द्र सुब्बा हुन् ।

‘कबड्डी ४’ पछि दयाहाङ र मिरुनाले यो फिल्ममा सहकार्य गरेका हुन् । रामबाबु गुरुङ निर्देशित पछिल्लो फिल्म ‘फूलबारी’ केही अगाडि प्रदर्शनमा आएको थियो । फिल्मले भने व्यवसायिक सफलता हात पार्न सकेन ।