विपिन कार्की र मिरुना मगरको मुख्य भूमिकामा ‘उनको स्वीटर’ निर्माण हुने

नमस्ते चितवन

सोमबार, साउन ०१, २०८० मा प्रकाशित

साउन १ , काठमाडौं । नेपाली चलचित्र ‘उनको स्वीटर’ निर्माण हुने भएको छ । आइतबार काठमाडौंमा एक कार्यक्रमबीच फिल्म निर्माण गर्ने घोषणा गरिएको हो ।चलचित्रमा अभिनेता विपिन कार्की र अभिनेत्री मिरुना मगरको मुख्य अभिनय रहनेछ । फिल्म मंसिरको पहिलो साताबाट मात्रै सुटिङ निर्माताहरुले बताएका छन् ।

चलचित्र विशेष हुने अपेक्षा गरेको अभिनेता कार्कीले बताए। फिल्म समसामयिक विषय वस्तुमा र लभ स्टोरीमा आधारित हुनेछ । तिहारपछि मात्रै सुटिङ शुरु हुने चलचित्रलाई नविन चौहानले निर्देशन गर्नेछन् ।

फिल्ममा विपिन र मिरुनासँगै एलेक्स पारस, परीक्षा लिम्बु, अनिल सुब्बा लगायतका कलाकार फाइनल भएका छन्। बाँकी कलाकार भने छिट्टै फाइनल हुने बताइएको छ। फिल्ममा अनिल सुब्बा र सुरज तमू कास्टिङ निर्देशक छन्। फिल्मलाई सिनेमाटोग्राफर चिन्तनराज भण्डारीले खिच्नेछन्।

फिल्मको सम्पादन कृष्ण भण्डारीले गर्नेछन्। ब्याकराउण्ड संगीत निर्देशक कोबिद बज्र हुनेछन् भने पब्लिसिटी डिजाइन ट्राइटेण्ड कन्सेप्टका रोयल भिमसेनले गर्नेछन्।