‘नांगो गाउँ’को प्रिमियरमा पुगिन साम्राज्ञी

नमस्ते चितवन

बिहिबार, भदौ २८, २०८० मा प्रकाशित

काठमाडौं, भदौ २८
फिल्म ‘नांगो गाउँ’को प्रिमियरमा अभिनेत्री साम्राज्ञी शाह पनि पुगेकि छिन् । अभिनेत्रि शाहलाई ‘नांगो गाउँ’को प्रचारमा नदेखिएकोले फिल्म प्रवर्द्धनमा बेवास्ता गरिएको भन्ने आरोप लागेको थियो । आरोपका बीच साम्राज्ञी फिल्म प्रिमियरमा पुगेपछि उनले प्रचारमा साथ नदिएको आलोचनालाई जवाफ दिने प्रयास गरेकि छिन् । उनले भनिन्, ‘म मेरो व्यक्तिगत कामले भारतमा थिएँ । यसकारण फिल्मको प्रचारमा आउन सकिनँ । उनले फिल्मको समूहसँग काम गर्न पाउँदा खुसी लागेको बताइन् ।

साम्राज्ञीले दयाहाङ राई र मिरुना मगरको जोडीको प्रशंसा समेत गरेकि छिन् । फिल्ममा साम्राज्ञीले अभिनेता कार्मको अपोजिटमा अभिनय गरेकी छन् । ट्रेलर हेर्दा फिल्ममा साम्राज्ञीको सहायक भूमिका देखिन्छ ।

भदौ २९ गते फिल्म प्रदर्शन हुदैछ । हलमा ‘जारी’ले राम्रो कमाइ गरिरहँदा दयाहाङ र मिरुनाको नयाँ फिल्मले तीज छेकोलाई मिति तय गरेको हो । दीपेन्द्र लामाको निर्देशन रहेको यो फिल्ममा कार्म, बुद्धि तामाङ र रविन्द्र झाको पनि शीर्ष भूमिका छ । साम्राज्ञी शाहको विशेष केमियो भूमिका रहेको जनाइएको छ । हिमाल शर्माको प्रस्तुतिमा तयार भएको फिल्ममा जय श्रेष्ठको लगानी छ ।