चितवन राष्ट्रिय निकुञ्ज र आसपासका क्षेत्रमा ५३ प्रजातिका चरा भेटिएका छन्।
बर्ड एजुकेशन सोसाइटीले हालै गरेको चरा गणनाका क्रममा गत वर्ष नभेटिएका ४ प्रजातिका चरासमेत यसपटक भेटिएका हुन्।
सोसाइटीका अध्यक्ष टीकाराम गिरीका अनुसार यस वर्ष तिलहरी चरा, मसिनोठुडे टिमटिमा, नादुन हाँस र चित्राङ्गद जातका चरा भेटिएका छन्। केही वर्षअघि भेटिएका तर गत वर्षको गणनामा नभेटिएका यी चरा यस वर्ष फेरि फेला परेका हुन्।
गणनाका क्रममा पानीहाँस चखेवा ३ हजार ६८७, जलकौवा सानु १०८, जलकौवा ठूलो ५५६ भेटिएका छन्।
कूल ५३ प्रजातिका पानीचरा ६ हजार ५४० वटा भेटिएका हुन्। पानी बाहिरका ३ हजार ४६४ गरी १० हजार ४ चरा भेटिएको गिरीले जानकारी दिएका छन्।
सोसाइटीले सन् १९८७ देखि चरा गणना गर्दै आएको छ। नेपाललगायत पूर्वी एशियाका ३५ देशमा प्रत्येक वर्ष अंग्रेजी वर्षको जनवरीमा पानीचरा गणना गरिँदै आएको छ।
सोसाइटीले हाल जाडो यामका पानीचरा गणना गरेको हो। जनवरी ७ देखि हिमालयन नेचरसँगको सहकार्यमा चितवनका लोथर गैडहवा, गैडहवादेखि सौराहा, सौराहादेखि कसरा, तमोर ताल, लामी ताल, बीसहजारी ताल र यससँग सम्बन्धित तालमा चरा गणना गरिएको हो।
यसैगरी भण्डारा माछा पोखरी, बूढीराप्ती, ढुङ्गरे खोला, पटना ताललगायतका स्थानमा जाडो यामका चरा गणना गरिएको सोसाइटीले जनाएको छ।
सम्बन्धित समाचार
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.