साउण्ड सिस्टम व्यवसायीसंग एलिनाले मागिन् माफी

नमस्ते चितवन

शनिबार, फागुन २६, २०८० मा प्रकाशित

साउन्ड सिस्टम कम्पनीको चेतावनीपछि गायिका एलिना चौहानले माफी मागेकी छन् । उनले सामान्य कमजोरीलाई माईकबाटै राखिदिने स्वभावलाई आफ्नो कमजोरीका रुपमा स्वीकार गरेकी छन् ।

‘मञ्चिय प्रस्तुतीका क्रममा साउण्ड ईन्जिनियरबाट हुने गरेका सामान्य कमी कमजोरीलाई माईकबाटै राखिदिने स्वाभावलाई मैले मेरो कमजोरीका रुपमा स्वीकार गर्दछु’, उनले लेखेकी छन् ।

गत फागुन २० गते कुश्मामा आयोजित एक महोत्सवमा साउन्ड सिस्टम खराब भएपछि एलिनाले टेक्निसियनसँग गुनासो गरेकी थिइन् । तर टेक्निसियनले उल्टै एलिनालाई ‘पहिले तपाईंको आवाज सफा गर्नुस’ भन्दै अपमानित तुल्याएका थिए । एलिनाले पनि जवाफ फर्काएपछि भनाभन भएको थियो । एलिना आफ्नो प्रस्तुति नसकिकन बाहिरिएकी थिइन् ।

त्यसपछि ६ साउन्ड सिस्टम कम्पनीले एलिनाले माफी माग्नुपर्ने भन्दै उनका कार्यक्रममा साउन्ड सिस्टम उपलब्ध नगराउने चेतावनी दिएका थिए ।

एलिनाले साउण्ड ईन्जिनियर, रेकर्डिष्ट, छाँयाकार, अडियोर भिडियो सम्पादक सबै पर्दा पछाडीका हिरो भएको बताएकी छन् ।’साउण्ड ईन्जिनियर, रेकर्डिष्ट, छाँयाकार, अडियोर भिडियो सम्पादक सबै पर्दा पछाडीका हिरो हुन्। जो हामीलाई दर्शक श्रोताबीच पुर्याउने मूल पात्र नै हुनुहुन्छ भन्ने मैले मसिनो गरि बुझेको छु। म उहाँहरुको सम्मान र स्वाभिमान प्रति सधै सचेत छु’ उनले लेखेकी छन् ।