नरेन्द्र महर्जन चलचित्र संघको अध्यक्षमा निर्वाचित

नमस्ते चितवन

आइतबार, चैत १८, २०८० मा प्रकाशित

काठमाडौंँ ,चैत्र १८
हलवालाहरूको छाता संस्था नेपाल चलचित्र संघको अध्यक्षमा नरेन्द्र महर्जन निर्वाचित भएका छन् । शनिबार आयोजित संघको ४९ औँ वार्षिक साधारणमा भएको कार्यसमिति निर्वाचनमा उनले प्रत्याशी कुवेर शर्मालाई पराजित गर्दै विजय हासिल गरेका हुन् ।महर्जनले शर्मालाई ६० मतले पछि पर्दै विजय हासिल गरेका थिए । महर्जनले १०६ मत प्राप्त गर्दा शर्माले ४६ मत प्राप्त गरे ।

साधारणसभाबाट सदस्यहरूमा करण श्रेष्ठ, गोपालकाजी कायस्थ, देवेन्द्र खड्गी, गोविन्द शाही, प्रज्वल राणा, ओमप्रकाश जैसी, आशिष तामाङ, छविराज ओझा, कपिलप्रसाद द्धा, दिप्रश शाक्य, नीरज गुप्ता, राजकुमार श्रेष्ठ, सुरेन्द्र थापा निर्वाचित छन् ।