रोधी घर’मा बिकास र रञ्जिताको रोमान्स

नमस्ते चितवन

सोमबार, साउन ०७, २०८१ मा प्रकाशित

काठमाडौं,साउन ७
‘रोधी घर’लाई नेपालीको पहिचानको रुपमा लिन सकिन्छ । बिशेष गरेर गुरुङ समुदायबाट भित्रिएको यो संस्कृतिलाई बालकदेखि बृद्धसम्मले गीत मार्फत दुःख बिर्सिने चौतारीको रुपमा पनि लिइन्छ ।विकासको गतिसँगै रोधी घर ‘दोहोरी साँझ’ रुपान्तर भएसँगै अश्लिलता पनि भित्रिएको छ । त्यसैले कतिपयले यसलाई आलोचना समेत गरिरहेका छन् ।

यस्तैमा ‘रोधी घर’ संस्कृतिमै गीतकार विकास घले गुरुङले नयाँ गीत ‘रोधी घर’ ल्याएका छन् । गीत भिडियो सहित अमेरिकाको पेन्सलभेनियमै एक कार्यक्रमकाबीच सार्वजनिक गरिएको हो । एनआरएनए पेन्सलभेनिया च्याप्टरका उपाअध्यक्ष अभिषेक थापा, युनाईटेड गुरुङ सोसाईटी अफ अमेरिकाका अध्यक्ष प्रदीप गुरुङ लगायतले कार्यक्रममा गीतको प्रसंसा गर्दै ‘रोधी घर’ले हराउदै गएको नेपाली कलासंस्कृतिको संरक्षण गरेको धारणा राखे ।गीतका गीतकार गुरुङले आफु जहाँ रहेपनि नेपाली कलासंस्कृति बिर्सन नसक्ने भन्दै कलासंस्कृतिको जगेर्नाका लागि गीत निर्माण गरेको बताए ।

दीपक गुरुङ र सोनम गुरुङको स्वर रहेको गीतमा दीपेश लामाको संगीत संयोजन छ । भिडियोको छायांकन पवन गौतमले गरेका हुन् ।
कुन्ती गुरुङ, सरिता सुनुवार, चक्र गुरुङ, राज गुरुङ र कृष्ण गुरुङको कोरस स्वर रहेको गीतको भिडियो अमेरिकाको बिभिन्न स्थानमा छायांकन भएको हो । भिडियोमा अभिनेत्री रञ्जिता गुरुङ र बिकास घले गुरुङको अभिनय छ । स्थानिय कलाकार कार्लईस गुरुङको अलवा आमा समुह र ईन्ट्र फाउन्डसनका नृत्य प्रशिक्षार्थीले पनि भिडियोमा नृत्य गरेका छन् । भिडियोको निर्देशक तथा सम्पादन पनि विकास घले गुरुङले नै गरेका हुन् । विकास फिल्म निर्देशक तथा खेलाडी पनि हुन् । गीत रेड ओशियन नामक युट्युबबाट सार्वजनिक भएको हो ।