चर्चित भारतीय पाश्र्वगायक नकाश अजिजको स्वरमा चलचित्र रावायणको गीत सार्वजनिक

नमस्ते चितवन

मङ्गलबार, साउन २९, २०८१ मा प्रकाशित

काठमाडौं ,साउन २९
सुदर्शन थापाको निर्माण तथा निर्देशन रहेको चलचित्र रावायणको पहिलो गीत सार्वजनिक भएको छ । गीतमा पल शाह र पुजा शर्मासगै निर्देशक थापा पनि फिचर्ड छन् ।

मुम्बईमा तयार गरिएको अडियो गीतमा रेवन आरती सिंहको संगीत , डाक्टर कृष्ण हरि बरालको शब्द र चर्चित भारतीय पाश्र्वगायक नकाश अजिजको स्वर रहेको छ । गीतमा विक्रम स्वारको कोरियोग्राफी रहेको छ । सार्वजनिक सिनेमाको गीतको अडियोको काम भारतको मुम्बईमा गरिएको हो ।

चलचित्र रावायणमा पल शाह, पुजा शर्मा, प्रियंका कार्की, प्रमोद अग्रहरी, निकीता चण्डक, प्रकाश शाह, कैलाश रावल, अर्जुनजंग शाही, शर्मिला मल्ल, प्रदिप ढकाल,सुशान्त कुमार श्रेष्ठ ,सुहान श्रेष्ठ लगायतको अभिनय रहेको छ ।

सुदर्शन थापा प्रोडक्शन र पुजा शर्मा प्रोडक्शनको व्यानरमा बनेको यस चलचित्रकी निर्माता पुजा शर्मा हुन् । सुशन पाठक कार्यकारी निर्माता रहेको रावायण तीजको अबसरमा भदौ २१ गते बाट प्रदर्शनमा आउदै छ ।

चलचित्रमा सुदर्शन थापाको कथा, शिवम अधिकारीको लेखन, सौरभ लामाको छायांकन, मिलन श्रेष्ठको सम्पादन, प्रमोद श्रीनिवासनको साउण्ड डिजाइन, निरज सिंह, रेवन आरती सिंहको संगीत, विक्रम स्वार र रामजी लामिछानेको कोरियोग्राफी, श्री श्रेष्ठको एक्सन, समीर मियाँको भीएफएक्स, ।