फिल्म ‘बम बहादुर’ को टिजर सार्वजनिक

नमस्ते चितवन

मङ्गलबार, मङि्सर ११, २०८१ मा प्रकाशित

काठमाडौं , मंसिर ११
अभिनेता सौगात मल्ल मुख्य भूमिका रहेको फिल्म ‘बम बहादुर’ को टिजर सार्वजनिक गरिएको छ । टिजर सार्वजनिक गर्दै फिल्मको प्रदर्शन मिति आगामी पुस ५ निर्धारण भएको जानकारी दिइएको छ ।

टिजरमा ‘अब खुकुरी र बन्दुकले होइन, दिमागले लडौँ । शिक्षित समाजलाई कसैले पनि दबाउन सक्दैन । शिक्षित समाज आफैँमा स्वर बनेर आफ्नो भविष्यका लागि उभिन सक्छ’ भन्ने भाष्य स्थापित गर्न खोजिएको छ ।

बम बहादुर एउटा सन्देशमूलक कथा र ऐतिहासिक सङ्घर्षलाई चित्रण गर्ने नेपाली फिल्म हो । फिल्म जोन राईले निर्देशन गरेका हुन् ।

बिस्ट ब्रदर्स फिल्मस प्रा.लिको ब्यानरमा बनेको फिल्ममा सौगातको अलवा प्रशान्त राई, अनिशा रसाइली, भास्कर प्रधान, महेन्द्र बग्दास, मदन भुजेल, भरत वशिष्ठ, अजय प्रधान, शान्तिला तामाङ, रिया भुजेल, बाल कलाकार वशिस्ट कार्की, सुरेश पन्चकोटी लगायतको अभिनय छ ।