नारायणगढका व्यवसायीहरु अनुरोध ,रेनु दाहाल र गठबन्धनका उम्मेद्वारलाई मतदान गरौ

वैशाख २७,नारायणगढ ।चितवनको मुख्य बजार क्षेत्र नारायणगढका व्यवसायीहरु अनुभवी विकासवादी र सक्षम नेतृत्व फेरी आउनुपर्ने पक्षमा उभिएका छन् । भरतपुर महानगर प्रमुख (मेयर), उपप्रमुख (उपमेयर)मा अनुभवी, विकासवादी नेतृत्वलाई जिताउन उनीहरु खुलेर लागिपरेका छन् । २०७४ मा सम्पन्न पहिलो स्थानीय तहको निर्वाचनमा तटस्थ भूमिका खेलेका यी व्यवसायीहरु यतिवेला भने गठबन्धनका उम्मेद्वारको पक्षमा वकालत मात्र गरेका छैनन् आफ्ना नजिककालाई विकासको लागि गठबन्धनका उम्मेद्वारलाई मतदान गर्न अनुरोध गर्न थालेका छन् ।

भरतपुर ३ मा घर दैलोमा जाँदै गरेका उद्योग बाणिज्य संघ चितवनका पूर्व आध्यक्ष उत्तमलाल चुकेले भने, “भरतपुरको समग्र विकासको लागि एक पटक फेरी रेनु दाहाललाई ल्याउनु पर्छ । अहिले शुरु भएको विकासको कामले पूर्णता पाउँदाको बखत नारायणगढ भरतपुर हेर्न लायक हुने छ ।” उनकै भनाईलाई आधार मान्ने हो भने, ‘ पाँच दलीय काँग्रेसको १४ औ महाधिवेशनले पारित गरेको विषय हो ।

वर्तमान निर्वाचन राजनीतिक लडाई हो । यो लडाईमा गठबन्धनको पक्षधरता भन्दा बाहिर कुनै पनि काँग्रेसीको मत जाँनुहुँदैन र जाँदैन पनि ।’ उनले पछिल्लो पाँच वर्षमा विकास निर्माणको काममा देखिएको अग्रसरताले दाहाल बाहेकको नेतृत्व नागरिकले देखेका छैनन् । विकासको पहिलो मापदण्डमा पर्ने सडकले मात्र पनि यहाँको विकासको गति देखिएको छ । चुके बजार क्षेत्र पछिल्लो समयमा गठबन्धन पक्षमा रहेको बताउँछन् ।

चुकेले भन्दा फरक विचार राख्छन अर्को एक व्यवसायी । उनले आफ्नो नाम उल्लेख नगरिदिने शर्तमा भने, “ व्यवसायीलाई अवसरवादी भन्ने राजनीतिक नेतृत्वलाई चुनौती दिंदै एक व्यवसायी भन्छन यतिवेला यो दल, उ दल भनेर लाग्ने समय छैन हामीले पहिलो प्राथमिकता यहाँको विकासलाई दिनुप¥यो । त्यसको लागि को सक्षम छ ? को अनुभवि छ । उनले भने, ‘महानगरको प्रमुखमा उठेका मुख्य दुई पात्रलाई तुलना गरौं, अवसर पाउँदा कसले कस्तो काम गरेर देखायो ? विकास निर्माणका कसको दिलचस्मी कस्तो छ ? त्यसलाई ध्यान दिऔं । भोली झुक्किएर अथवा ससानो विषयमा चित्त नबुझेर आफ्नो अमूल्य मत खेर फाल्ने काम भयो भने, पछि पछुताउनुको विकल्प छैन् ।’२०७४ को स्थानीय तहको निर्वाचनमा खुलेर रेनु दाहालको पक्षमा लाग्न नसकेका प्रतिष्ठित व्यक्तिहरु यतिवेला भने खुलेर दाहालको पक्षमा वकालत गर्न थालेका छन् ।

भरतपुर महानगरपालिकाको मुख्य बजार क्षेत्र समेत समेटिएको वडा नम्बर १, २, ३ मा १७ हजार छ सयको हाराहारीमा मतदाता छन् । नेपाली काँग्रेसको वर्चश्व रहेका यी वडाहरुमध्ये वडा नम्बर २ बाहेक सबै वडाहरुमा अघिल्लो स्थानीय तह निर्वाचनमा नेपाली काँग्रेसले जितेको थियो । यस पटक पनि गठबन्धनको तर्फबाट वडाध्यक्षपदमा काँग्रेकै उम्मेद्वार छन् ।