जिल्ला खेलकुद अध्यक्ष राजन कार्कीद्वारा भरतपुर खेलकुदका सदस्य दिपेन्द्र पन्डितलाई धम्की

नमस्ते चितवन

मङ्गलबार, जेठ २०, २०८२ मा प्रकाशित

चितवन,जेठ २० – जिल्ला खेलकुद बिकास समितिका अध्यक्ष राजन कार्कीले भरतपुर महानगर खेल्कुद बिकास समितिका सदस्य दिपेन्द्र पन्डितलाइ गालीगलोज गर्दै धम्की दिएका छन् । फेसबुक स्टाटसमा कमेन्ट गरेकै भरमा उन्ले रातको साढे १० बजे फोन गर्दै सुन्नै नसक्ने शब्द प्रयोग गरी दिपेन्द्रलाई धम्की दिएका हुन् ।

फोन रेकर्ड सुनाउदै दिपेन्द्रले भने मेरो आदरणीय दाइ हो हजुर, मैले कुन स्टाटसमा तपाइँको बारेमा लेखे थाहा छैन भन्दा भन्दै मलाई राजन दाइले आम मान्छेले सुन्नै नसक्ने शब्द प्रयोग गर्दै झन बढी उत्तेजनामा आएर गालिगलौज गर्दै धम्की समेत दिनुभयो । त्यस्को १५/२० मिनट पछि मेरो घरमा आएर केही अपरिचित ब्यक्तिले ढुङ्गा समेत हानेका छन् जिल्ला अध्यक्षबाटै हामी असुरक्षित हुनुपर्ने अवस्था रहेको उनी बताउछन् ।
आफूलाई असुरक्षित भएको महसुस हुदा महानगर खेलकुद बिकास समितीका अध्यक्ष बिकास श्रेष्ठको रोहबरमा जिल्ला प्रहरी कार्यालयमा उजुरी समेत दिएको उनी बताउछन् ।

घटनाका बिषयमा महानगर खेलकुद बिकास समितीका अध्यक्ष बिकास श्रेष्ठले भने खेल भनेको अनुशासन हो खेलकुद बिकास समितिको अध्यक्षबाट यस्ता खालका अपशब्द प्रयोग गरि गालिगलोज गर्दै धम्की आउनु अत्यन्तै दुखलाग्दो कुरा रहेको बताए । उनी भन्छन् सामाजिक संजालमा आउने सानातिना बिषय बस्तुलाइ लिएर धम्किपुर्ण भाषा प्रयोग हुनु राम्रो होईन ।