भरतपुर १ बाट ७४ को चुनावमा ३७८ मतले पछि परेकी रेनु दाहाल अहिले १२१ मतले अघि

नमस्ते चितवन

आइतबार, जेठ ०१, २०७९ मा प्रकाशित

रबि अधिकारी -जेठ १ , चितवन । भरतपुर महानगरपालिकाको अहिले सम्म एक नम्वर वार्डको मात्रै सबै मत मतगणना छ । वडा नम्वर –१ को खसेको मत ३२७७ मा सत्ता गठबन्धनका तर्फबाट प्रमुख पदमा नेकपा (माओवादी केन्द्र)का उमेदवार रेनु दाहालले १हजार २०८ मत पाएकी छिन् ।

त्यस्तै राप्रपा-एमालेका साझा उमेदवार विजय सुवेदीले एक हजार ०८७ मत पाएका छन् ।स्वतन्त्र उमेदवार जगन्नाथ पौडेलले ४३० मत ल्याएका छन् । वडा नम्बर–१ मा सत्ता गठबन्धनकीउमेद्वार रेनु दाहाल १२१ मतले अग्रता कायम राखेकी छन् ।

यता २०७४ सालको चुनावमा रेनु दाहालले भरतपुर १ बाट रेनु दाहालले ११३५ मत मात्रै पाएकी थिन जबकी एमालेका मेयरका उमेद्वार देवी ज्ञवालीले १५१३ मत पाएका थिए । ७४ सालको चुनावमा देबी ज्ञवाली भन्दा रेनु दाहाल ३७८ मतले पछाडी परेकी हुन् ।

यसपाली रेनु दाहालले वडा नम्बर–१ मा नै १२१ मतले अघि पर्दा यसपालीको चुनाव रेनु दाहालले सजिलै जित्ने अनुमान गरिएको छ ।अघिल्लो चुनावमा वडा नम्बर–१ बाट देवी ज्ञवालीलाई ३ सय बढी मत नेपाली कांग्रेसबाट गएको अनुमान गरिएको थियो ।तर यसपाली स्वतन्त्र उमेदवार जगन्नाथ पौडेलले अघिल्लो पटक सुर्यमा गएको मत काट्ने अवस्था देखिए सगै विजय सुवेदीले मेयरमा चुनाव हाल्ने आकलन गर्न थालिएको छ ।