काठमाडौं, मंसिर २९ । नेपाली फिल्म ‘झरीपछिको इन्द्रेणी’को दोस्रो गीत ‘आम नेपाली बुवा’ सार्वजनिक गरिएको छ ।काठमाडौं महानगरपालिकाका मेयर तथा र्यापर बालेन शाहको र्याप समावेश गीत उनकै आधिकारिक युट्युब च्यानलमार्फत सार्वजनिक गरिएको हो ।
गीतको कोरसमा महाकवि लक्ष्मीप्रसाद देवकोटाको चर्चित कविता ‘कुन मन्दिरमा जान्छौ यात्री’ समावेश गरिएको छ । गीतको मूल स्वर रविन शर्माको रहेको छ भने संगीत रञ्जित गजमेरले दिएका हुन् । र्याप गायन तथा शब्द बालेन शाहकै छन् । कोरस गायनमा दीक्षा उप्रेतीको स्वर सुन्न सकिन्छ ।
‘आम नेपाली बुवा’ गीतमा आम नेपाली बुवाहरूको संघर्ष, भावना र जिम्मेवारीलाई सशक्त रूपमा प्रस्तुत गरिएको छ । भावनात्मक शब्द र प्रभावशाली र्यापमार्फत गीतले गहिरो सामाजिक सन्देश प्रवाह गरेको छ । गीतको भिडिओमा फिल्मका विभिन्न दृश्यहरू समावेश गरिएका छन् ।
बालेन शाहले यो गीत हालै दिवंगत आफ्ना बुवा डा. रामनारायण शाहप्रति समर्पित गरेका छन् । साथै, गीतलाई सम्पूर्ण बुवाहरूप्रति समर्पित गरिएको बताइएको छ ।
अर्जुन घिमिरे ‘पाँडे’को निर्देशनमा बनेको फिल्म ‘झरीपछिको इन्द्रेणी’ पुस ४ गते, अर्थात् आउँदो शुक्रबारदेखि प्रदर्शनमा आउने तयारीमा छ । फिल्ममा गणेश उप्रेती, रमेश उप्रेती, प्रकाश घिमिरे, दीपाश्री निरौला, प्रियाना आचार्य, बिमोचन दवाडी, जेसिका पोखरेललगायत कलाकारहरूको अभिनय रहेको छ ।टेलिसिरियलमार्फत दर्शकमाझ लोकप्रिय बनेका अर्जुन घिमिरे ‘पाँडे’को यो डेब्यु निर्देशकीय फिल्म हो ।
सम्बन्धित समाचार
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.