गीतमा गायक थानेश्वर गौतम र गायिका शान्तिश्री परियारको स्वर सुन्न सकिन्छ । डा. भोला रिजालको शब्द र थानेश्वर गौतमकै संगीत रहेको गीतको भिडियोमा फिल्मका मुख्य कलाकार अरुण क्षेत्री र सिम्रन पन्तलाई बेहुला–बेहुलीको भूमिकामा प्रस्तुत गरिएको छ ।

तीन दशकअघिको ग्रामीण परिवेशमा आधारित गीतले छोरीको बिदाइको पीडा, माइतीप्रतिको माया र परिवारसँग छुट्टिँदाको भावनालाई मार्मिक ढंगले अभिव्यक्त गरेको छ । विवाह समारोहको पृष्ठभूमिमा तयार पारिएको भिडियोले नेपाली समाजको मौलिक संस्कार र पारिवारिक आत्मीयतालाई जीवन्त रूपमा उतारेको छ ।

डा. कपिल रिजालको निर्देशनमा निर्माण भएको फिल्ममा मदनकृष्ण श्रेष्ठ, प्रकाश घिमिरे, लुनिभा तुलाधर, रवीन्द्र झा, ईश्वरी बराल, संयोग रसाइली, सीतादेवी तिमिल्सिना, लक्ष्मीनाथ तिमिल्सिना, अंशु ओली, प्रिन्स नेपाली र राजेन्द्र नेपालीलगायत कलाकारको अभिनय रहेको छ ।

भोला रिजाल प्रोडक्सन र सुमन गिरी प्रोडक्सनको प्रस्तुति रहेको फिल्मका निर्माता सुमन गिरी (भान्जा) र डा. कपिल रिजाल हुन् भने सरला रिजाल कार्यकारी निर्माताको रूपमा रहेकी छन् ।

फिल्मको कथा डा. भोला रिजालले लेखेका हुन् । हरि हुमागाईंको छायांकन रहेको फिल्ममा कपिल रिजाल, निश्चल कुँवर, शिव शर्मा, अभिमन्यु निरवी, निरज नेपाल र गिरिराज घिमिरेको लेखन रहेको छ ।

सार्वजनिक गीतले विवाह संस्कारसँग जोडिएका भावना र पारिवारिक सम्बन्धको गहिराइलाई स्पर्श गर्ने प्रयास गरेको छ, जसले दर्शकमाझ विशेष प्रभाव छोड्ने अपेक्षा निर्माण टिमले गरेको छ ।