काठमाडौं । प्रदर्शनको संघारमा रहेको नेपाली चलचित्र ‘लज्जावती’को चर्चित गीत ‘दिलको मोटर’ले युट्युबमा उत्कृष्ट प्रतिक्रिया बटुल्दै चलचित्रको माहोल तातेको छ। सार्वजनिक भएको केही समयमै गीतले ७ लाख ५० हजारभन्दा बढी भ्युज प्राप्त गर्दै दर्शकमाझ लोकप्रिय बन्दै गएको हो।
बाबुल गिरीको शब्द तथा संगीत रहेको गीतमा सहिमा श्रेष्ठ र रवि ओडको स्वर रहेको छ। लोक लय र आधुनिक संगीतको सुन्दर मिश्रणमा तयार गरिएको गीतले प्रेम, रोमान्स, लज्जा र युवापुस्ताको उत्साहलाई आकर्षक ढंगले प्रस्तुत गरेको छ।
गीतका शब्द, संगीत, भिडियोको भव्य मेकिङ, कविराज गहतराजको कोरियोग्राफी र कलाकारहरूको ऊर्जावान प्रस्तुतीकरणले दर्शकको मन जितिरहेको छ। भिडियोमा मुकुन भुसाल, जानुका विश्वकर्मा, श्रीकृष्ण निरौला, मेनुका माझी र केशव रिजालको अभिनय तथा नृत्यलाई दर्शकले विशेष रुचाएका छन्।
युट्युबमा आएका प्रतिक्रियाहरूमा दर्शकहरूले गीतको थेगो, संगीत संयोजन, छायांकन र कलाकारहरूको अभिनयको खुलेर प्रशंसा गरेका छन्। धेरैले चलचित्रप्रतिको आफ्नो उत्सुकता पनि गीतले अझ बढाएको प्रतिक्रिया दिएका छन्।
आगामी साउन २९ गतेदेखि देशभर प्रदर्शनमा आउने ‘लज्जावती’का प्रस्तुतकर्ता सौरभ ओली हुन् भने निर्देशन राजबहादुर सानेले गरेका छन्।
आहा फिल्म्सको ब्यानरमा मल्टिभिजन आईएनसीको सहकार्यमा निर्माण भएको चलचित्रका निर्माता कमलप्रसाद शर्मा र सन्दीपकुमार रोका हुन्। दिनेशराज बुढाथोकी कार्यकारी निर्माता रहेको चलचित्रमा दिव्यराज सुवेदीको छायांकन, तारा थापा ‘किम्भे’को सम्पादन तथा देव महर्जनको द्वन्द्व निर्देशन रहेको छ।
चलचित्रमा मुकुन भुसाल, श्रीकृष्ण निरौला, जानुका विश्वकर्मा, मेनुका माझी, केशव रिजाल, धीरेन शाक्य, प्रिया रिजाल, हिउँवाला गौतम, विशाल पहारी, सिपी पौडेल, आरआर खड्का, विनोद श्रेष्ठ, दीपक थापा र काजल भुजेलको अभिनय रहेको छ। चलचित्रलाई कुबेर सिने डिस्ट्रिब्युसनले देशभर प्रदर्शनमा ल्याउनेछ।
https://www.youtube.com/watch?v=ELdMGFBZ6-o&list=RDELdMGFBZ6-o
सम्बन्धित समाचार
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.