चलचित्रमा दिव्यदेव पन्त, झरना थापा, सुहाना थापा, माओत्से गुरुङ, अनिल बुढाथोकी, सागर खनाल, शिशिर सिवाकोटी, सुप्रज्ञा शर्मा र शवि थापालगायत कलाकारहरूको अभिनय रहेको छ।

संगीतकार तथा गायक हरि लम्सालको लेखन तथा निर्देशन रहेको ‘बा : एक योद्धा’ फिचर फिल्म निर्देशनमा उनको डेब्यु चलचित्र हो। आर्टिस्टिक इन्टरटेनमेन्टको ब्यानरमा निर्माण भएको चलचित्रको कथा र पटकथा पनि लम्सालले नै लेखेका हुन्।

चलचित्रका निर्माता वसन्त लम्साल, कार्यकारी निर्माता अनिल बुढाथोकी, लाइन प्रोड्युसर अर्जुन पौडेल तथा सह–निर्माता कृष्ण काफ्ले हुन्।

शिवराम श्रेष्ठको छायांकन रहेको चलचित्रमा तारानाथ न्यौपाने मुख्य सहायक निर्देशक छन्। चलचित्रलाई आशिष एच. तामाङ र प्रदीप धामीको कुवेर सिने डिष्ट्रिब्युसनले वितरण गर्नेछ।