काठमाडौं । यही शुक्रबार, भदौ २६ गतेदेखि प्रदर्शनमा आउन लागेको बहुप्रतीक्षित नेपाली चलचित्र ‘बेहुली’ले रिलिजअघि नै डिजिटल प्लेटफर्ममा राम्रो चर्चा बटुलेको छ। आइतबार साँझ सार्वजनिक गरिएको चलचित्रको ट्रेलरले २४ घण्टामै १० लाखभन्दा बढी भ्युज प्राप्त गरेको छ।
ट्रेलर सार्वजनिक भएको १८ घण्टामै नेपालको युट्युब ट्रेन्डिङको शीर्ष स्थानमा पुगेको ‘बेहुली’ले विदेशमा समेत दर्शकको राम्रो साथ पाएको छ। नेपाली दर्शकको बाक्लो उपस्थिति रहेका खाडी मुलुकदेखि युरोपसम्म चलचित्रको ट्रेलर विभिन्न देशको ट्रेन्डिङमा परेको निर्माण पक्षले जनाएको छ।
ट्रेलर कुवेत, कतार, रोमानिया, साउदी अरब, पोर्चुगल, मलेसिया, दक्षिण कोरिया, जापान, यूएई र अस्ट्रेलियालगायतका देशमा ट्रेन्डिङमा परेको जनाइएको छ।
ट्रेलरमा प्रेम, पारिवारिक सम्बन्ध र मित्रताका विभिन्न आयामलाई प्रस्तुत गरिएको छ। सामाजिक सञ्जालमा ‘कुल ब्वाई’का रूपमा परिचित पारस बम ठकुरी र अभिनेत्री दिव्या रायमाझीबीचको अनस्क्रिन केमेस्ट्रीले दर्शकको ध्यान खिचेको छ।
त्यस्तै, अभिनेता सुशान्त कार्की प्रहरीको भूमिकामा दमदार देखिएका छन्। कमेडियन पदम तामाङको हास्य शैली तथा सन्तोष बानियाको फरक र प्रभावशाली अभिनयले पनि ट्रेलरप्रति दर्शकको कौतुहलता बढाएको छ।
सशान कँडेलको निर्देशन तथा माधव शर्माको लेखन रहेको चलचित्रमा सरिता गिरी, विशाल पहारी, कर्मा लामा लगायतका कलाकारको अभिनय छ।
द डिभाइन म्युजिक र सम्मान इन्टरटेन्मेन्टको संयुक्त ब्यानरमा निर्माण भएको चलचित्रका प्रस्तुतकर्ता अर्जुन पोखरेल हुन् भने निर्माता प्रताप शमशेर राणा रहेका छन्।
ट्रेलरले पाएको उत्साहजनक प्रतिक्रियाले चलचित्रको प्रदर्शनप्रति निर्माण पक्ष थप उत्साहित देखिएको छ।
सम्बन्धित समाचार
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.