‘आ बाट आमा २’ पल शाह र मलिका महतको पहिलो सहकार्य भएको चलचित्र हो ।

गीतमा गम्भीर विष्टको कोरियोग्राफी रहेको छ । बाबुल गिरीले गीतको शब्द तथा संगीत तयार पारेका हुन् । गीतमा रवि ओड र गंगा सोनामको स्वर रहेको छ । शंकरसिंह ठकुरी, प्रेम राई, अञ्जना खतिवडा र सुस्मिता दाहालले कोरसमा साथ दिएका छन् ।

चन्द्र पन्तको कथा, पटकथा तथा निर्देशन रहेको चलचित्रमा पल शाह, मलिका महत, विपना थापा, रिश्ता गुरुङ, निकिता आचार्य, आकाश श्रेष्ठ, सबिन श्रेष्ठ, प्रदीप रावत, साइग्रेस पोखरेल, गजित विष्ट, नरेन खड्का, दिलीप अखेडालगायत कलाकारको अभिनय छ ।

चलचित्रको लेखनमा रोशन भट्ट र चन्द्र पन्तले सहकार्य गरेका छन् भने संवाद रोशन भट्टको रहेको छ । करण सिंह प्रोडक्सन एक्जिक्युटिभ रहेका छन् ।

नवराज उप्रेतीको छायांकन, बाबुल गिरीको संगीत, गम्भीर विष्टको नृत्य निर्देशन तथा साहिल खान र मिलन श्रेष्ठको सम्पादन रहेको चलचित्रको डिजिटल पार्टनर ओएसआर डिजिटल हो । चलचित्रलाई आरआर फिल्मस्ले नेपालभर वितरण गर्नेछ ।