फिल्म हेरेर नायिका केकी अधिकारी र रिमा विश्वकर्माले पनि खुलेरै तारिफ गरे । नेपालमा यस्तो कथामा फिल्म बनाउनु आफैमा चुनौतीपूर्ण रहेको भन्दै उनीहरुले निर्देशकको काम, कलाकारको काम र प्राविधिकहरुको मिहिनेतको खुलेर तारिफ गरे ।

फिल्म हेर्न वान सिनेमाज् पुगेका अधिकांश फिल्मीकर्मीले नेपाली फिल्मको स्तर माथि पुगेको भन्दै खुशी व्यक्त गरेका छन् ।

रिनशा वान्तवा राइको निर्देशनमा धिरज मगर, जसिता गुरुङ, अरुण क्षेत्री, प्रेम सुब्बा लगायतका कलाकारको अभिनय रहेको यो फिल्मले एउटा २१ बर्षको यूवाको डान्सर बन्ने सपनाको कथा भन्छ । वैशाख २१ गते अर्थात बिहिबारदेखि रिलिज हुन लागेको फिल्मले बक्स अफिसमा राम्रो कमाई गर्ने विश्वास निर्माणपक्षको छ ।

प्रिमियरबाट पाएको प्रतिक्रियाले आफू अत्यन्त उत्साहित भएको र आफूहरुको मिहिनेत सफल भएको निर्देशक रिनाशाले बताइन् ।

यस्तै, नायिका जसिता गुरुङ फिल्ममा काम गर्दाको मिहिनेत संझिएर भावुक भइन् । उनले, फिल्म हेर्न प्रिमियरमा पुग्ने अधिकांशको प्रतिक्रियाले उत्साहित बनाएको बताइन् । नायक धिरज मगरले पनि फिल्मका लागि ३ बर्ष मिहिनेत गरेको र आज सुखद प्रतिक्रिया पाउँदा खुशी लागेको बताए ।