☰

लोकप्रिय समाचार

नायक सारुक ताम्राकारले गरे आत्महत्या

  •   शुक्रबार, असार २२, २०८० मा प्रकाशित

असार २२ , काठमाडौँ। नायक सारुक ताम्राकारले आत्महत्या गरेका छन् । ३१ बर्षको उमेरमा आफ्नै निवास रातो पुलमा आत्महत्या गरेका हुन् । उनी बिहीवार राति ११ बजे झुण्डिएको अवस्थामा मृत फेला परेको काठमाडौं जिल्ला प्रहरी परिसरका प्रवक्ता एसपी सीताराम रिजालले जानकारी दिए ।

घटनास्थलको मुचुल्कापछि उनको शवलाई पोस्टमार्टमका लागि त्रिवि शिक्षण अस्पतालमा लगिएको छ । उनको मृत्युको कारणबारे नखुलेको र अनुसन्धान भैरहेको समेत प्रवक्ता रिजालले जनाए ।

फिल्म ‘रानी’बाट अभिनय करिअर थालेका सारुकले ‘मेरी मामु’ र ‘इन्टु मिन्टु लण्डन’मा अभिनय गरेका छन् । उनी पछिल्लो समय फिल्म ‘ह्यासट्याग माया’को छायांकनमा ब्यस्त थिए । यो फिल्मको अहिले ४५ प्रतिशत मात्र छायांकन सकिएको छ ।सारुक अभिनेता सानु ताम्राकारका छोरा हुन् ।

शुक्रबार, असार २२, २०८० मा प्रकाशित
तपाईको प्रतिक्रिया

लोकप्रिय

भर्खरै