‘एक भगवत गीता’ ले आजै सेन्सर सिफारिस पाउने

नमस्ते चितवन

आइतबार, भदौ २४, २०८० मा प्रकाशित

विकास बोर्डमा ‘एक भागवत गिता’ बारे निर्णायक छलफल

काठमाडौं, २४ भदौ
चलचित्र ‘एक भगवत गीता’ले आजै सेन्सरको सिफारिस पाउने भउको छ । ‘एक भगवत गीता’को नाममाथि उत्पन्न विवादलाई लिएर आज चलचित्र विकास बोर्डले निर्णायक छलफल बोलाएको छ । बोर्डले आजै सेन्सरका लागि सिफारिस दिने विकास बोर्डको स्रोतले जनाएको छ । यो भन्दा अथाडी विकास बोर्डले चलचित्रको सेन्सर रोकेको भनेर गलत प्रचार गरिएको थियो । विकास बोर्डले शुक्रवार नै सेन्सरको सिफारिस दिने भनेको थियो, तर निर्माण पक्षले नाम थप परिमार्जन गरी धार्मिक समूहहरूलाई पनि सहमतिमा ल्याएर आइतबार लिने भनेपछि सेन्सर रोकिएको हो ।

आज बोर्डले चलचित्रको नाममाथि आपत्ति जनाएका धार्मिक संघ संस्थाहरूलाई निर्णायक छलफलका लागि बोलाएको हो । नाममाथि सहमति जुटे पनि नजुटे पनि बोर्डले सिफारिस नरोक्ने स्रोतको भनाइ छ । आजको छलफलमा बोर्डका पदाधिकारी, धार्मिक समूहहरूको प्रतिनिधि, निर्माता संघका प्रतिनिधि र चलचित्र निर्माण पक्ष सहभागी छ । हिन्दूहरुको महान् ग्रन्थको नाममा दुरुपयोग गरिएको भन्दै धार्मिक समूहहरूले विकास बोर्डमा निवेदन दिएका थिए । निर्माण पक्षले भने फिल्मले श्रीमदभागवत गीतालाई अवहेलना नगरेको र फिल्मको कथावस्तु धार्मिक नभएको प्रष्टीकरण दिइरहेको छ । फिल्म रिलिज हुने संघारमा सेन्सर रोकिएपछि निर्माण पक्ष तनावमा परेका छन् ।

यसैबीच, चलचित्रकी निर्देशक झरना थापाले हिजो मध्यरातमा फेसबुकमा पीडादायी स्टाटस लेखेकि छिन् । उनले चलचित्रबाट श्रीमदभागवत गीताको अवहेलना नभएको प्रष्ट पार्दा पनि सेन्सर सिफारिस नदिइएको बताएकी छन् ।