व्यावसायिक तथा समीक्षात्मक रूपमा सफल फिल्म ‘पशुपति प्रसाद’को चर्चित चरित्र ‘भष्मे डन’मा रहेर यो फिल्म निर्माण भएको हो ।

कार्यक्रममा फिल्मका लेखक लामिछानेले फिल्मको नाम मात्रको सिक्वेल नभई अर्थपूर्ण र तर्कपूर्ण सिक्वेल बनेको बताए । उनले फिल्मले राम्रो व्यवसाय गर्ने अपेक्षा गरेको धारणा राखे ।

अभिनेता विपिन कार्कीले ‘पशुपति प्रसाद २– भष्मे डन’ फिल्म मात्र नभएर आफ्नो परिचय समेत भएको बताए । उनले यो फिल्म अभिनय अनुभव सबैभन्दा बेग्लै रहेको सुनाए ।

अभिनेत्री स्वस्तिमा खड्काले फिल्ममा आफ्नो दुर्गामाताको अवतारको भूमिका रहेको बताइन् । ‘अभिनेता विपिन कार्कीसँग काम गर्ने आफ्नो सपना फिल्मले पुरा गर्‍यो’, उनले भनिन् ‘फिल्मबाट धेरै सिक्ने र नयाँ काम गर्ने अवसर मिल्यो ।’

निर्देशक दीपेन्द्र के. खनालले ‘पशुपति प्रसाद २– भष्मे डन’मा पनि ‘पशुपति प्रसाद’को संवेदन जस्ताको तस्तै राखिएको बताए । ७ वर्षपछि फिल्मको सिक्वेल ल्याएपनि भष्मेडन र फिल्मको संवेदन पहिले झै दर्शकले पाउने उनको धारणा रहेको थियो ।फिल्मलाई नेपालमा डिसिएन, टि फक्स र रिच इन्टरटेनमेन्ट अनि भारतमा सुष्मा प्रोडक्सन र विश्वभर सेभेन सिजले वितरण गर्दैछन् ।