यस वर्षको सबैभन्दा ठुलो ओपनिङ गर्ने फिल्म बन्यो ‘सालार’, डंकीले दुई दिनमा मात्रै ५८ करोड कमायो

नमस्ते चितवन

शनिबार, पुष ०७, २०८० मा प्रकाशित

प्रभास स्टारर फिल्म सालार शुक्रबार रिलिज भएको थियो । पहिलो दिन नै सालारले विश्वव्यापी रूपमा करिब १८० करोड भारतीय रुपैयाँ सङ्कलन गरेको छ। जसमध्ये ९० करोड भारतीय बक्स अफिसको छ ।

यो कमाईसँगै सालार भारतको तेस्रो सर्वाधिक ओपनिङ गर्ने फिल्म बनेको छ । यसले केजीएफ–२ को रेकर्ड पनि तोडेको छ । यस मामिलामा चलचित्रभन्दा अगाडि मात्र आरआरआर र बाहुबली–२ छन् । यो फिल्मले प्रशान्त निलका अघिल्ला फिल्मको कीर्तिमान तोडेको छ ।

उता शाहरुख खान स्टारर फिल्म डंकीले २९.२० करोडको ओपनिङ गरेको थियो भने दोस्रो दिन २०.५० करोड कमाएको छ । डंकीले विश्वभर ५८ करोड रुपैयाँ कमाएको छ । कलेक्शनको मामिलामा मात्रै होइन, प्रभासको सालारले अग्रिम बुकिङको मामिलामा पनि शाहरुखको डंकीलाई पछाडि छोडेको थियो। सालार यो वर्ष अमेरिकामा सबैभन्दा धेरै अग्रिम बुकिङ भएको भारतीय फिल्म बनेको छ ।