चलचित्र ‘काँडेतार’को ‘सके जोबन दिउँला माया’ गीत रिलिज

नमस्ते चितवन

शुक्रबार, पुष २७, २०८० मा प्रकाशित

काठमाडौँ ,२७ पुस
नवल खड्का को निर्माण ,निर्देशन तथा प्रमुख भूमिका रहेको चलचित्र ‘काँडेतार’ले दोश्रो गीत रिलिज गरेको छ । चलचित्रको ‘सके जोबन दिउँला माया’ बोलको गीत रिलिज गरिएको हो ।

सत्यकला राई र विक्रम राईको यु स्वर रहेको यो गीतका संगीतकार तथा गीतकार दिपक शर्मा हुन् ।गीतलाई कविराज गहतराजले कोरियोग्राफी गरेका हुन् । गीतमा अभिनेता गौरव पहारीको साथमा सुरविना कार्की, रेबिका गुरुङ तथा प्रशान्त यादव फिचर भएका छन् ।

नेपाल भारतको सीमा समस्या उजागर गर्ने कथा बोकेको ‘काँडेदार’ फागुन २५ गते रिलिज हुँदैछ । ‘काँडेतार’मा गौरव, सुरविना, रेबिका, प्रशान्तका अलावा नवल खड्का एवम् मुरलीधरको प्रमूख अभिनय रहेको छ ।

सामना फिल्मस्को ब्यानरमा निर्माण भएको सिनेमा ‘काँडेतार’को हालसम्म देशभरका विभिन्न जिल्लामा ६० बढि शोको आयोजना निर्माण टिमले गरिसकेको छ । खड्का देशभक्तिका कथामाथि लगातार सिनेमा बनाउने फिल्मकर्मीमा पर्छन् ।