२३ चैत्र ,काठमाडौं – कमेडी तथा सोसल ड्रामा सिनेमा ‘के घर के डेरा’को निर्माण घोषणा गरिएको छ । दीपेन्द्र के खनालको निर्देशनमा निर्माण हुने सिनेमामा दयाहाङ राई, विपिन कार्की, वर्षा राउत र रविन्द्र झाको मुख्य भूमिका रहनेछ ।
कोरोना महामारी अघि यही शीर्षकमा सिनेमा निर्माणको घोषणा गरिएपनि हाल निर्देशक र कलाकार हेरेफेर गरेर छायांकन गर्न लागिएको मंलबार राजधानी आयोजित कार्यक्रममा निर्माण टिमले जानकारी दिएको हो । निर्देशक खनालले कथावस्तु र नयाँ टिमसहित सिनेमालाई अघि बढाइएको जानकारी दिए ।
वैशाख तेस्रो सातादेखि सुरु हुने सिनेमाको सम्पुर्ण छायांकन काठमाडौं उपत्यकाभित्रै गरिनेछ । निर्देशक खनालले ‘झोले’पछि दयाहाङ, ‘पशुपति प्रसाद’पछि विपिन र ‘चंगा चेट’पछि रविन्द्रसँग सहकार्य गर्न लागेका छन् । ‘म उहाँहरुसँग पुनः काम गर्न पाउँदा निकै उत्साहित छु,’ निर्देशक खनालले भने ।
प्रेसमिटमा निर्देशक खनालले भने, ‘घर भएका र घर नभएका दुवै वर्गको कथामा हास्य ढंगले सिनेमा निर्माण हुनेछ ।’ अभिनेता राईले धेरै समयपछि आफ्नो सिनेमा काठमाडौंमै छायांकन हुन लागेको भन्दै मनोवैज्ञानिक रुपमा आफ्नो चरित्र नयाँ भएको बताए । अभिनेता कार्कीले निर्देशक खनाल र को-स्टारसँग सहकार्य हुनुले सिनेमाको गुणस्तर राम्रो हुने बताए ।
शरद श्रेष्ठ, राजीव श्रेष्ठ र किरण महर्जन निर्माता रहेको सिनेमाका कार्यकारी निर्माता युवराज कार्की हुन् । सिंगे लामाको कथा, महेश दवाडीको पटकथा र संवाद, दीर्घ गुरुङको छायांकन रहेको सिनेमालाई आगामी वर्षमा नै प्रदर्शनमा ल्याउने तयारी निर्माण टिमको रहेको जानकारी दिइयो ।यसअघि यो सिनेमालाई रंग पत्रकार सुब्रत राज आचार्यले निर्देशन गर्ने गरी निर्माण घोषणा गरिएको थियो ।
सम्बन्धित समाचार
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.