सडकको नाजुकअवस्थाले लुम्बिनी जाने पर्यटकलाई समस्या

नमस्ते चितवन

शनिबार, जेठ २६, २०८१ मा प्रकाशित

विश्वसम्पदा सूचीमा सूचीकृत लुम्बिनी क्षेत्रमा जाने पर्यटकलाई नारायणघाट–बुटवल सडकको नाजुक अवस्थाका कारण समस्या भएको छ । लुम्बिनी विकास कोषका अनुसार नारायणघाट–बुटवल सडक जिर्ण भएका कारण पर्यटकको आगमनमा समस्या भएको हो । विसं २०७६ अघि लुम्बिनी क्षेत्रमा आउने आन्तरिक पर्यटक कम्ती भएको वर्ष पनि वार्षिक १० लाख हुन्थे।

लुम्बिनी क्षेत्रमा भने नारायणघाट–बुटवल सडकको दूरावस्थाका कारण वार्षिक ६ लाख पर्यटकमात्र पुग्ने गरेको कोषका सदस्य सचिव सानुराजा शाक्यले जानकारी दिएका छन्।

लुम्बिनी क्षेत्रमा पूर्वाधार निर्माण गरे पनि नारायणघाट–बुटवल सडकका कारण पर्यटकले सास्ती खेप्नुपरेको गुनासो कोषका पदाधिकारी र कर्मचारीले सुन्नुपरेको सदस्य सचिव शाक्यको भनाइ छ।

सडकको काम चाँडो सकिए लुम्बिनीलगायत त्यहाँबाट पश्चिम नेपालका विभिन्न जिल्लामा जाने आन्तरिक एवं बाह्य पर्यटकको सङ्ख्या बढ्ने बअनुमान गरिएको छ ।