बहुप्रतीक्षित चलचित्र ‘छक्कापञ्जा ५’ को ‘बिहे भाको छैन’ गीत सार्वजनिक

नमस्ते चितवन

मङ्गलबार, साउन २९, २०८१ मा प्रकाशित

काठमाडौं ,साउन २९
यसवर्षको बहुप्रतीक्षित चलचित्र ‘छक्कापञ्जा ५’को पहिलो गीत ‘बिहे भाको छैन’ सार्वजनिक भएको छ । सार्वजनिक गीतमा चलचित्रका मुख्य दुई कलाकार दीपकराज गिरी र वर्षा सिवाकोटी फिचर्ड छन् ।

गीतमा दीपक शर्माको संगीत, दीपकराज गिरी र संगीतकार शर्माको शब्द रचना रहेको छ भने सवीन शर्मा र बेनिशा पौडेको स्वर सुन्न सुकिन्छ । रिकेश गुरुङले एरेञ्ज गरेको सार्वजनिक गीतको भिडियोमा सुनिल क्षेत्रीको कोरियोग्राफी रहेको छ ।

अभिनेत्री तथा निर्देशक दीपाश्री निरौलाको निर्देशनमा निर्माण भएको चलचित्र ‘छक्का पञ्जा ५’ दशैंको फूलपातीको अवसर पारेर असोज २४ गतेबाट नेपाल र विदेशमा एकसाथ प्रदर्शन हुँदैछ ।

आमा सरस्वती मुभिज र आएमईको प्रस्तुतीमा निर्माण भएको चलचित्रमा कार्यकारी निर्माता केदार घिमिरे (माग्ने बुढा) र निर्मल शर्मा हुन् । दीपक, वर्षाको साथै केदार घिमिरे (माग्ने बुढा)को पनि मुख्य भुमिका रहेको छ भने अन्य कलाकारको बारेमा भने निर्माण टिमले की खुलाएको छैन ।

अभिनेता निर्माता दीपक राज गिरीको पटकथा रहेको चलचित्रको कथा र संवाद दीपक, केदार र दीलिप तामाङले मिलेर लेखेका हुन् । हरि हुँमागाईको छायांकन, रोशन श्रेष्ठको द्धन्द्व निर्देशन, कपिल पराजुलीको कलर रहेको चलचित्रमा विपिन मल्लको सम्पादन रहेको छ ।