भरतपुरमा एमाले र राप्रपाबीच तालमेल हुने ,राप्रपालाई उपमेयर र दुई वटा वडाध्यक्ष

नमस्ते चितवन

सोमबार, बैशाख १२, २०७९ मा प्रकाशित

वैशाख १२ ,भरतपुर । भरतपुर महानगरपालिकामा नेकपा एमाले र राष्ट्रिय प्रजातन्त्र पार्टीबीच तालमेल हुने भएको छ। उपमेयर, दुई वटा वडाध्यक्ष र केही सदस्य पद पाउने भएपछि राप्रपाले एमालेलाई सघाउने निर्णय गरेको हो।

भरतपुरकाे मेयरमा एमाले उम्मेदवार विजय सुवेदीलाई राप्रपाले सहयोग गर्ने र उपमेयरमा राप्रपाका उम्मेदवारलाई एमालेले सहयोग गर्ने सहमति भएको एमाले चितवन जिल्ला इन्चार्ज एवम् केन्द्रीय सदस्य देवी ज्ञवालीले जानकारी दिए ।

सहमति अनुसार राप्रपाले महानगरकाे वडा नं. १५ र २६ को वडाध्यक्ष पाउने छ । वडा नं. ४,११, १६,१९ र २४ मा दुबै दलका वडाध्यक्ष उम्मेदवार रहनेछन् । साथै बाँकी वडामा एमालेका उम्मेदवारलाई राप्रपाले सघाउने सहमती भएको छ।ती केही वडामा राप्रपाले सदस्य उठाउनेछ।

एमालेले महानगरको मेयरमा विजय सुवेदीलाई उम्मेदवार बनाउने पक्का गरिसकेको छ। राप्रपाले उपमेयरको टुंगो लगाइसकेको छैन।