चलचित्र ‘छक्कापञ्जा ५’ ले पहिलो तिन दिनमा ४ करोड ८५ लाखको कलेक्सन गरेको छ। अझै केहि दिन दशैंको बिदा र दर्शकको चलचित्र प्रति राम्रो प्रतिक्रिया आएको हुदा तिहारसम्म फिल्म चल्दा २० करोडको हाराहारीमा व्यापार गर्ने अनुमान गर्न थालिएको छ ।

‘ ‘छक्का पञ्जा–५’मा हाँस्यव्यंग्यसँगै समाजका विभिन्न बेथितिमाथि प्रहार गरिएको छ । सरकारी सेवाभित्र भएको भ्रष्टाचार र अनियमितताको विषयलाई उठान गरिएको चलचित्रमा दीपकराज गिरी, केदार प्रसाद घिमिरे ‘माग्ने बुढा’, वर्षा सिवाकोटी, राजाराम पौडेल, रमेश वुढाथोकी, प्रकाश घिमिरे, नरेन्द्र थापा, उत्तम केसी, ब्रजेस खनाल, हिउँवाला गौतम, नविन श्रेष्ठ, दमन रुपाखेती, लोकेन्द्र लेखक र निर्मल शर्मा लगायतको अभिनय छ ।

चलचित्रलाई दीपाश्री निरौलाले निर्देशन गरेकी हुन् ।दीपकराज गिरीको कथा र पटकथा रहेको फिल्ममा दीपकराज गिरी, केदार प्रसाद घिमिरे र दिलिप तामाङको संवाद छ । आमा सरस्वती मुभिज र आएमईको प्रस्तुतीमा निर्माण भएको चलचित्रमा केदार प्रसाद घिमिरे र निर्मल शर्मा कार्यकारी निर्माता रहेको फिल्ममा केशव न्यौपाने र दीपेन्द्र खनियाँ निर्माताको रुपमा छन् ।