चितवन ग्रीन लियो र लायन्स क्लबको आयोजनामा आज ‘ग्रीन साँझ

चितवन ग्रीन लियो र लायन्स क्लबको आयोजनामा आज ‘ग्रीन साँझ–२०८१’ हुदै

नमस्ते चितवन

शनिबार, कार्तिक १०, २०८१ मा प्रकाशित

चितवन ,कार्तिक १० – चितवन ग्रीन लियो र लायन्स क्लबको आयोजना तथा बिपिपि युनिर्भसिटी लण्डनको सहयोगमा हुने चितवन ‘ग्रीन साँझ कार्यक्रमको सम्पूर्ण तयारी पुरा भएको छ । शुक्रबार भरतपुरमा पत्रकार सम्मेलनको आयोजना गरी भोलि कात्तिक १० गते आज (शनिबार) हुन गईरहेको चितवन ‘ग्रीन साँझ–२०८१’ को सम्पूर्ण तयारी पुरा भएको जनाएको हो ।

‘ग्रीन साँझ कार्यक्रम भरतपुर ११ जागृतीचोकस्थित धावन रिक्रियसन एण्ड पार्टी प्यालेसमा हुने छ । कार्यक्रममा चर्चित गायक निशान भट्टराईले प्रस्तुती दिने छन् भने कार्यक्रममा थारु जातिको संस्कृति, एक्स केप ब्याण्डको प्रस्तुती र क्लासिक म्युजिक रहने आयोजकले जनाएको छ । सन् २०१५ मा स्थापना भएको चितवन ग्रीन क्लबले ऐजुकेशन फेयर, ग्रीन साँझ, स्वास्थ्य शिविर, वातावरण संरक्षण अन्तर्गत वृक्षरोपण, चेपाङ बालबालिकालाई खाद्यन्न तथा लत्ता कपडा वितरण, विद्यालयस्तरमा सेमिनार, लागूऔषध सचेतना कार्यक्रम, विपत्तीमा परेका नागरिकलाई निःशुल्क खानाको प्रबन्ध तथा राहत वितरणसंगै विभिन्न सामाजिक कार्यहरु गर्दै आईरहेको छ ।

सोही कार्यक्रमलाई निरन्तरता दिंदै लियोको मूल मन्त्र नेतृत्व विकास, अनुभव र अवसर भन्ने नाराका साथ विपन्न बालबालिकालाई न्यानो कपडा वितरण गर्ने लक्ष्यसहित उक्त कार्यक्रम आयोजना गर्न लागिएको चितवन ग्रीन लियो क्लब बर्ष २०२४-२०२५ का अध्यक्ष मनिष पौडेलले बताए । उक्त कार्यक्रम सम्पन्न गर्न रु २ लाख ६० हजार खर्च लाग्ने अनुमान गरिएको र कार्यक्रममा करिब ५० हजारको टिकट विक्री गर्ने लक्ष्य लिएको पौडेलले बताए । साँझ अवलोकन गर्न ५०० र २०० को टिकटको व्यवस्था गरिएको छ ।

उनले सो कार्यक्रममा सबै जनाले सहभागिता जनाईदिनुहुन समेत आग्रह गरेका छन् । क्लबले यसअघि पनि ग्रीन साँझहरु गरिसकेको छ भने यसअघिको ग्रीन साँझमा गायक शिव परियार,प्रमोद खरेल, कुलेन्द्र बिक, कमेडियन कलाकार राजा राजेन्द्र, सन्दिप क्षेत्री लगायत काठमाडौँ महानगरपाकिका मेयर बालेन शाहले समेत प्रस्तुती दिइसकेका छन् । कार्यक्रमको टाइटल स्पन्सरमा बिपिपि युनिर्भसिटी रहेको छ भने एक्स्पोर्ट एजुकेशन एण्ड भिजा सिर्भिसेज, राईट एण्ड एशोसिएट, मेट्स एजुकेशन, जेभियर इन्टरनेश्लन एजुकेशन, प्रोफेश्नल एजुकेशन कन्सल्टेन्सी, गोल्डेन इमिनेन्ट, निप्पोन एजुकेशन, निओन फर्मा, ग्रेस इन्टरनेशनले सहप्रयोजन रहेका छन् ।