प्रचण्डको फोन आएपछि अमानसिंह तामाङले उम्मेदवारी फिर्ता लिए

नमस्ते चितवन

शनिबार, बैशाख १७, २०७९ मा प्रकाशित

वैशाख १७ , सिन्धुपाल्चोक। चौतारा साँगाचोकगढी नगरपालिकाको प्रमुखमा स्वतन्त्र उम्मेदवारी दिएका अमानसिंह तामाङले उम्मेदवारी फिर्ता लिएका छन्।आसन्न स्थानीय तहको निर्वाचनमा पनि नेकपा माओवादी केन्द्रले प्रमुख पदमा टिकट नदिएपछि लामाले स्वतन्त्रबाट उम्मेदवारी दर्ता गरेका थिए।

उम्मेदवारी फिर्ता लिनका लागि तामाङलाई माओवादी केन्द्रका अध्यक्ष पुष्पकमल दाहाल प्रचण्डले टेलिफोन गरेका थिए। प्रचण्डको फोनपछि आफू उम्मेदवारी फिर्ता लिनका लागि तयार भएको तामाङले बताए।

पार्टीको अभिभावक नै प्रचण्ड भएकाले उनले भनेपछि आफू मान्न तयार भएको तामाङले बताए।चौतारा साँगाचोकगढीको प्रमुखमा माओवादी केन्द्रले कृष्ण प्रसाद सापकोटा ‘देशबन्धु’लाई उम्मेदवार बनाएको छ।तामाङ ०७४ को निर्वाचनमा सोही नगरका प्रमुखमा निर्वाचित भएका थिए।