बेलायतका सांसदले संसद बैठकमै दुई पटक पोर्न भिडियो हेरेपछि

नमस्ते चितवन

आइतबार, बैशाख १८, २०७९ मा प्रकाशित

वैशाख १८ , एजेन्सी।बेलायतमा एक जना सांसदले संसद बैठकमै दुई पटक पोर्न भिडियो हेरेको खुलेको छ।प्रधानमन्त्री बोरिस जोन्सनको कन्जरभेटिभ पार्टीका नेइल प्यारिसले उक्त कुरा स्वीकार्दै शनिबार पदबाट राजीनामा दिएको समाचार संस्था रोयटर्सले जनाएको छ।

यसअघि एक जना बेलायती महिला मन्त्री संसद बैठक चलिरहँदा छेउमा बसेका पुरूष सांसदले पोर्न भिडियो हेरिरहेको आफूले देखेको बताएकी थिइन्। सञ्चारमाध्यममा घटना बाहिर आएपछि प्रधानमन्त्री जोन्सनले प्यारिसलाई निलम्बन गरेका थिए।

उनले शनिबार राजीनामा दिएका हुन्। प्यारिसले पहिलो पटक ट्याक्टरको भिडियो हेर्न खोज्दा झुक्किएर पोर्न भिडियो आएको भए पनि दोस्रो पटक भने आफूले त्यस्तै भिडियो हेर्न चाहेको बताएका छन्।उनले आफूले जे गरे पनि गल्ती गरेको उल्लेख गर्दै त्यो पागलपन भएको बताएका छन्।