चलचित्र ‘होस्टेल ३’को ट्रेलर युट्युब ट्रेन्डिङको पहिलो नम्बरमा

नमस्ते चितवन

शनिबार, फागुन १०, २०८१ मा प्रकाशित

काठमाडौं , फागुन १०
चलचित्र ‘होस्टेल ३’को ट्रेलर युट्युब ट्रेन्डिङको एक नम्बरमा पुगेको छ । ट्रेलर सार्वजनिक भएको ६ घण्टामा नै युट्युबको मुभिज सेक्सनको ट्रेन्डिङको पहिलो नम्बरमा पुगेको छ।

यो समाचार लेख्दासम्म ‘होस्टेल ३’को ट्रेलरलाई ५ लाख ८६ हजार बढीपटक हेरिएको छ भने ३५ हजार ३ हजार बढी सकारात्मक प्रतिक्रिया मिलेको छ । ट्रेलरलाई युट्युब लगायत विभिन्न सामाजिक सञ्जाल प्लेटफर्ममा रुचाइएको छ ।

चलचित्रको ट्रेलरले कलेज र होस्टेल जीवनका अनुभव तथा तिनका विविध घटनाक्रमलाई प्रस्तुत गर्छ । चलचित्रमा पारस बम ठकुरी, सिम्रन पन्त, आशिष घिमिरे, पदम तामाङ, हेना नगरकोटी, रिहान गिरी, समा पराजुली प्रवीण खतिवडा ,आशिष पुरुष, रोहन श्रेष्ठ, उमर खान र सन्तोष बानियाँ लगायत मुख्य भूमिकामा रहेका छन् ।

चलचित्रको निर्देशन सशान कँडेलले गरेका छन्, जो दुई दशकदेखि सङ्गीत तथा म्युजिक भिडियो निर्देशनमा सक्रिय छन् । माधव शर्माले लेखन तथा एसोसियट निर्देशनको जिम्मेवारी सम्हालेका छन् । निर्माता सुरेश कँडेल, कर्ण कार्की, गोविन्द अधिकारी हुन् भने सह-निर्मातामा शिशिर ज्ञवाली, अनीश सिग्देल, कुन्दन गुप्ता र गणेश मगर छन् । कार्यकारी निर्माता शङ्कर कोइराला र लाइन प्रोड्यूसर कोसिस राज क्षेत्री हुन् ।

अर्जुन तिवारीको छायाङ्कन निर्देशन रहेको चलचित्रलाई सम्पादन विकास दाहालले गरेका छन् । हिमाल केसीको एक्सन निर्देशन, अर्जुन पोखरेल, अल्मोडा राणा उप्रेती, महेश ज्ञवाली र किरण माइकलको सङ्गीत, र प्रवीण सिंह तथा रोशन विश्वकर्माको नृत्य निर्देशन रहेको छ ।