ओलीले चितवनका कांग्रेस कार्यकर्ताहरुलाई विचराको संज्ञा दिए

नमस्ते चितवन

आइतबार, बैशाख २५, २०७९ मा प्रकाशित

बैशाख २५ ,चितवन।नेकपा एमालेका अध्यक्ष केपी शर्मा ओलीले कांग्रेस नेताहरुले प्रधानमन्त्री पदका लागि आफ्नै पार्टी सिद्ध्याउन लागेको आरोप लगाएका छन् । चितवनमा एमालेद्वारा आइतबार आयोजित चुनावी सभालाई सम्बोधन गर्दै अध्यक्ष ओलीले यस्तो बताएका हुन् ।

ओलीले गठबन्धनलाई उभिन नसक्ने हालतमा पु¥याउनुपर्ने बताउनुभएको छ । एमाले चितवनले क्याम्पाचौरमा गरेको चुनावी सभालाई सम्बोधन गर्दै उहाँले अहिलेको सरकारलाई टाटाबाई बाई गर्नुपर्ने बताउनुभएको छ । “गठबन्धन हा¥यो, हा¥यो”, उहाँले भन्नुभयो, “भरतपुर बन्यो, बन्यो ।”

माओवादीले आफन्त पोस्न चितवनमा आएर जनतालाई धम्काएको भन्दै व्यंग्य गर्नुभएको छ । “प्रकाश सपुतको गीत जस्तै चितवन कांग्रेसीहरुलाई पीर बिसाउने ठाउँनै छैन, प्रधानमन्त्री पदका लागि पार्टी सिध्याउदैछन्, कार्यकर्ता के हेरेर बसेका छन्”, उहाँले भन्नुभयो, “कार्यकर्ताले मन परेका ठाउँमा भोट दिन नपाउने गरी धम्काउन पाइदैन ।” उहाँले प्रचण्डलाई इंगित गर्दै भन्नुभयो, “छोरीलाई भोट नदिदैमा दुर्घटना हुदैन, गठबन्धन नराम्ररी हार्छ ।”

तर्साउने, धम्काउनेलाई चिसै पानीले नुहाइदिने भन्दै चेतावनी दिनुभएको छ । चितवनका कांग्रेस कार्यकर्ताहरुलाई विचराको संज्ञा दिनुभएको छ । “ कार्यकर्ताहरुप्रति सहानुभूति राख्छु, कसरी मन थाम्नु भयो होला”, पूर्वप्रधानमन्त्री ओलीले भन्नुभयो, “विचरा हेर्नुस, पोहर पनि ढाट्यौँ आमा, फेरी पनि यसपाली पनि ढाट्यो भने जस्तै भयो ।” उहाँले चितवनका कांग्रेसीले छोरी, ज्वाई, भाई, भतिजिलाई सधैभर बोकिरहन तयार भएको हो भनि प्रश्न गर्नुभएको छ । अर्काको झण्डा बोकेर मत माग्न नपाइने निर्देशन दिने निर्वाचन आयोगले प्रचण्ड र देउवालाई कारवाही गर्न सक्नुपर्ने चुनौती दिनुभएको छ ।