चितवनमा दाना उद्योगको पर्खाल भत्किँदा ३ जनाको मृत्यु

नमस्ते चितवन

बुधबार, असोज २९, २०८२ मा प्रकाशित

चितवन ,असोज २९
चितवनमा दाना उद्योगको पर्खाल भत्किँदा ३ जनाको मृत्यु भएको छ। चितवनको रत्ननगर नगरपालिका १२ शान्तिकुञ्जमा रहेको किसान दाना उद्योगको पर्खाल भत्किँदा ३ जनाको मृत्यु भएको र २ जना घाइते भएका छन् ।

बुधबार बिहान उद्योगभित्रको १० इन्च बाक्लो इँटाको पार्टिसन पर्खाल अचानक भत्किँदा मजदुरहरू माटो र इँटामुनि पुरिँदा घाइते भएका थिए । घाइते मजदुरहरूलाई तत्कालै उद्धार गरी चितवन मेडिकल कलेजमा उपचारका लागि पठाइएकोमा तीन जनाको उपचारका क्रममा मृत्यु भएको प्रहरीले जनाएको छ ।

मृत्यु हुनेमा चितवन खैरहनी नगरपालिका वडा नं. २ का ४५ वर्षका शुकराम दराई, गोरखा घर भई रत्ननगर १२ बस्ने ५४ वर्षका रेशम दराई र रत्ननगर नगरपालिका वडा नं. १२ बस्ने ४५ वर्षका कमल गुरुङछन् ।

सो घटनामा पर्सा जिल्ला घर भई रत्ननगर नगरपालिका १२ बस्ने वर्ष ३९ का जितेन्द्र महतो र पर्सा जिल्ला घर भई रत्ननगर १२ नै बस्ने ४० वर्षका अंकजप्रसाद थारु घाइते भएका छन् । उनीहरु दुवैको चितवन मेडिकल कलेजमा उपचार भैरहेको छ । यसमा बारेमा थप अनुसन्धान भैरहेको उनले जानकारी दिए ।