चितवनमा पिकअप गाडी दुर्घटनामा हुदा राममणी न्यौपानेको मृत्यु

नमस्ते चितवन

आइतबार, मङि्सर ०७, २०८२ मा प्रकाशित

चितवन ,मङ्सिर ०७
चितवनको कालिका नगरपालिका–११, सिद्धि कल्याणचौर नजिकको भित्री सडकखण्डमा गएराति बोलेरो जिप दुर्घटना हुँदा एक जनाकोमृत्यु भएको छ । दुर्घटनामा खैरहनी निवासी राममणी न्यौपानेको मृत्यु भएको हो ।

सिद्धि बाट कल्याण चौर तर्फ जाँदै गरेको बा.१८ च ८९७३ नम्बरको पिक अप गाडी आफै अनियन्त्रित भई सडक देखि अन्दाजी १ सय ५० मिटर तल खसेको प्रहरीले जनाएको छ । दुर्घटनामा गम्भीर घाइते खैरहनी नगरपालिका वडा नम्बर ४ का अन्दाजी ६२ वर्षिय का राममणी न्यौपानेलाई उपचारको लागि भरतपुर अस्पताल ल्याएकोमा चिकित्सकले मृत घोषणा गरेका हुन् ।

दुर्घटनाको जानकारी राति १०:५० बजे प्रहरी चौकी जुटपानीमा पुगेपछि प्र.नि. जय नेपाल थापाको कमान्डमा प्रहरी टोली घटनास्थल पुगेको थियो।
दुर्घटनास्थल प्रहरी चौकी जुटपानीबाट करिब २० किलोमिटर उत्तर पर्ने बताइएको छ। बोलेरो जिपमा चालकबाहेक अन्य कोही सवार नभएको र गाडी घटनास्थलमै रहेको प्रहरीले जनाएको छ।प्रहरीले दुर्घटनाको थप अनुसन्धान भइरहेको जनाएको छ।