फिल्म ‘एक्लो’ ले कान्स फिल्म फेस्टिभलको ७८ औँ संस्करणमा समेत सहभागिता जनाइसकेको छ, जहाँ यसले अन्तर्राष्ट्रिय वितरक, सेल्स एजेन्ट र ओटीटी प्लेटफर्महरूसँग सम्पर्क विस्तार गरेको निर्माण टिमले जानकारी दिएको छ।

फिल्मको पहिलो ऐतिहासिक प्रिमियर आगामी डिसेम्बर २८ मा अमेरिकाको न्युयोर्कस्थित विश्वप्रसिद्ध Museum of the Moving Image मा हुने तय भएको छ।साइन्स–फिक्सन विधामा बनेको ‘एक्लो’ पुस १७ गतेदेखि नेपालसहित विश्वभर प्रदर्शनमा आउनेछ।

फिल्ममा प्रदीप खड्का, जेमी बेकन, विजय लामा, सुनील थापा, दिया पुन, वेनिशा हमाल, दिनेश डीसी, कविता नेपाली, सुरजसिंह ठकुरी, एवन राज उप्रेती, त्रिचु राई, कृष्णभक्त महर्जन, विकास अधिकारी, दिग्गज खत्री, विनोद सुवेदी ‘क्षितिज’, श्रीशेष श्रेष्ठ, बाल कलाकार जेमिन श्रेष्ठ र स्योन सविक सिंह लगायतको अभिनय रहेको छ।

एनआरएन समूहको लगानीमा बनेको चलचित्रका कार्यकारी निर्माता विनोद सुवेदी ‘क्षितिज’ हुन्।छायांकन बाबु श्रेष्ठ, द्वन्द्व निर्देशन राजु तामाङ, सेट डिजाइन राजु पेन्टर, कला निर्देशन सन्तोष लामा, र प्रोडक्सन डिजाइन द्रोणप्रसाद पौडेल ‘ठेउके’ले सम्हालेका छन्।