जेठ ४ , चितवन । चितवनको राप्ती नगरपालिका वडा नम्बर १३ मा मतदान अधिकृतको हस्ताक्षर नभएका मतपत्रहरु भेटिएपछि नेपाली कांग्रेस चितवनले विरोध गरेको छ। मतगणनामा खटिएका अधिकारीले मतगणना सम्पन्न भएको र नेकपा एमाले र नेपाली कांग्रेसका उम्मेदवारको बराबर ५०१ मत आएको नतिजा सार्वजनिक गरेका थिए।
कांग्रेस उम्मेदवार असोक प्रजा र नेकपा एमाले उम्मेदवार सुर्य प्रजाको बराबर मत आएको निर्वाचन अधिकृतको कार्यालयले जनाएको छ।
तर, मतगणनाका क्रममा दुई मतपत्रहरुमा रुखमा स्वस्तिक छाप लगाइएको तर मतदान अधिकृतको हस्ताक्षर नभएको पाइएको चितवन कांग्रेसका सभापति राजेश्वर खनालले जानकारी दिए। मतदान अधिकृतको हस्ताक्षर नभएका मतपत्रहरु गणना नगरिएको पनि उनले बताएका छन्।
उनले षड्यन्त्रपूर्वकरुपमा रुख चुनावमा मतदान गर्ने मतदाता भन्ने थाहा पाएपछि मतदान अधिकृतले जानाजान हस्ताक्षर नगरेको आरोप लगाएका छन्।
१३ नम्बर वडामा मतगणना स्थलमा खटिएका अधिकारीले गोलप्रथाका लागि गरेको आह्वान पनि कांग्रेसले अस्वीकार गरेको छ। जिल्ला सभापति खनालले भने, ‘यसरी निर्वाचनलाई प्रभावित पार्ने उद्देश्यले षड्यन्त्र गर्ने मतदान अधिकृतलाई कारबाही र पुन: मतगणना गरिनुपर्दछ।’
सम्बन्धित समाचार
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.