यस फिल्मका निर्माता सुशील पोखरेल गीतको चर्चा र प्रशंसाले उत्साहित बनेको देखिन्छन्। उनले शनिबार बिहानै गीतले एघार लाखभन्दा बढि दर्शक पाएको भन्दै दर्शकमाझ खुसी साँटेका छन्।

उनी भन्छन्,‘छोटो समयमै ११ लाख भन्दा धेरैपटक क्लिक भइसकेको ‘उडि जाउँ भने,म पंक्षी होइन’ बोलको गीत हेरेर प्रतिक्रिया पनिदिनु होला। यो माया,यो साथको लागी धेरै धेरै धन्यवाद । साथै हामी आभारी छौँ।’

गीतको भिडियोमा परालको आगोका मुख्य कलाकार सुहाना थापा,प्रकाश सपुत र बाल कलाकार मञ्जिला बानियाँले अभिनय गरेका छन्। उनीहरुको अभिनयलाई दर्शकले मन पराउनु साथै यस गीतको शब्दमा टिकटक तथा फेसबुक रिल्स समेत दर्शकले बनाएका छन्। त्यसबाट पनि निर्माण पक्ष उत्साहित बनेको हो। पुरानो कालजयी गीतलाई पुन रि–रेकर्डमार्फत दर्शकमा ल्याएकोमा यसकी संगीतकार शान्ती ठटाल पनि उत्साहित बनेकी छन्।

यस गीतको भिडियोमा सुहाना थापालाई साँच्चै नै उत्कृष्ट अभिनय गराइएको छ। रामजी लामिछानेले गरेको यस गीतको कोरियोग्राफीलाई दर्शकले समेत मन पराएका छन्।

नेपाली गीत संगीतको पहिलो कम्पोजर तथा एरेन्जर शान्ती ठटालको संगीतमा रहेको यस गीतमा निशु शर्माले गाएकी छन्। गीतको शब्द रचना मन बहादुर मुखियाको छ। यस गीतको ओर्जिनल गायिका अरुणा लामा हुन्। उनले चार दशक अघि गाएको यो गीत अहिले पनि उतिकै सान्दर्भिक रहेको छ। निर्माण टिमले अरुणा लामा समर्पित भन्दै गीतमार्फत सम्झिएको पनि गीतको भिडियोमा देख्न सकिन्छ। यस गीतको म्युजिक एरेन्ज बिनोद भुजेलले गरेका छन्।

गुरु प्रसाद मैनालीको अमर कृति ‘परालको आगो’बाट प्रेरित यस फिल्ममा सुहाना थापा,सौगात मल्ल,प्रकाश सपुत,सिर्जना अधिकारी, किशोर भण्डारी, ज्याक श्रेष्ठ, सरिता भण्डारी, रेणु न्यौपाने र बाल कलाकार मन्जिला बानियाँ लगायतले अभिनय गरेका छन्।

हरि ॐ सिने मेकर्स प्रा.लि.को ब्यानरमा निर्माण भएको यस फिल्मको पटकथा तथा संवाद सुशील देवकोटाले लेखेका हुन्।सुशील पोखरेलको लगानीमा निर्माण भएको यस फिल्मको निर्देशक भने लक्ष्मण सुनार हुन्। फिल्मलाई संकल्प भुजेलले खिचेको हुन् भने फिल्मको गीतमा रामजी लामिछानेको कोरियोग्राफी रहेको छ । सम्पादन मिलन श्रेष्ठले गरेको यस फिल्मको रंग संयोजन कनाल कँवरको छ।

फिल्ममा भिएफएक्स समिर मिया र सत्यम रानाको छ भने टिजर तथा ट्रेलर निर्माणको काम साहिल खानको छ। मुकेश शाहको मिक्सिङ रहेको यस फिल्मको निर्माण संयोजन नगेन्द्र घिमिरेले सम्हालेका छन्।यस फिल्मको पाश्र्व संगीतमा किरण तुलाधरले गरेका छन्। फिल्मका गीतमा संगीत शान्ति ठटाल,सत्य–स्वरुप आचार्य र प्रकाश सपुतले गरेका छन्। फिल्मका गीतका शब्द रचना मनबहादुर मुखिया, सुरेन्द्र राना र प्रकाश सपुतको शब्दको छ।

सुलभी पोखरेल र सत्यम पोखरेल निर्माता रहेको यस फिल्मलाई आरआर फिल्मसले वितरण गर्दैछ। साथै डिजिटल अधिकार ओएसआरले लिएको छ।गुरुप्रसाद मैनालीको ‘नासो’ कथा संग्रहमा समावेश कथा ‘परालको आगो’ नाममा ४५ वर्षअघि प्रताप सुब्बाले पनि फिल्म निर्देशनमा निर्माण भएको थियो।