काठमाडौं, चैत्र २१
कलाकार सागर लम्साल पक्राउ परेका छन्। उनलाई बूढानीलकण्ठबाट प्रहरीले नियन्त्रणमा लिएको जिल्ला प्रहरी परिसर काठमाडौंका एसएसपी रमेश थापा ले जानकारी दिएका छन्।
लम्सालमाथि अमेरिकामा बस्दै आएकी एक युवतीले बलात्कारको आरोप लगाएकी थिइन्। आरोपअनुसार एक वर्षअघि अमेरिकामै उक्त घटना भएको बताइएको छ।
आरोप सार्वजनिक भएसँगै उनीमाथि अनुसन्धान अघि बढाउन चौतर्फी दबाब परेको थियो। प्रहरीले घटनाबारे थप अनुसन्धान गरिरहेको जनाएको छ।
कलाकार गजित बिष्टकी छोरी संगम बिष्टले लम्सालले आफुलाई अमेरिकामा बलात्कार गरेको आरोप लगाएकी थिइन्।संगम स्वयम्ले थुप्रै चलचित्रमा अभिनय गरेकी छन् । एकपटक राष्ट्रिय पुरस्कारसमेत जितेकी थिइन् । सानैदेखि कलाकारितामा लागेको र उच्च अध्ययनको सिलसिलामा केहि समय अघि अमेरिका गएकी हुन् ।
संगमले सामाजिक संजालमा लेख्दै आफूले अहिलेसम्म कत्थक नृत्य गरिरहेको तर अब ताण्डव देखाउने भन्दै उनले प्रतिकात्मकरूपमा बडा कदम चाल्ने संकेत गरेकी थिन ।
बलात्कार आरोपपछि ‘बले’ लाई छायांकनरत फिल्म ‘पाँच पाण्डव’ बाट पनि निष्कासन गरिएको थियो।फिल्मको निर्माण ब्यानर कालारानी फिल्मस् प्रालिले शुक्रबार नै विज्ञप्ति जारी गरेर लम्साललाई निष्कासन गरिएको जानकारी दिएको थियो।
सम्बन्धित समाचार
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.