चितवन । चितवनका व्यवसायी केशवराज कँडेल ले आफ्ना पूर्वकर्मचारी दीपक राज कँडेल ले पत्रकार सम्मेलनमार्फत लगाएका आरोपहरू पूर्ण रूपमा निराधार, तथ्यहीन र आफ्नो तथा कम्पनीको प्रतिष्ठामा आँच पुर्याउने उद्देश्यले फैलाइएको बताएका छन्।
सोमबार जारी गरिएको प्रेस विज्ञप्तिमार्फत कँडेलले सत्यतथ्यका आधारमा निष्पक्ष छानबिन गर्न सम्बन्धित निकायसँग आग्रह गरेका छन्। उनका अनुसार तथ्य, प्रमाण र कानुनी प्रक्रियाका आधारमा विषयको छानबिन भए वास्तविकता स्वतः बाहिर आउनेछ।
विज्ञप्तिअनुसार दीपक राज कँडेल २०७८ साल फागुनसम्म करिब ३९ महिनासम्म कम्पनीमा कार्यरत थिए। उनले २०७८ चैत २५ गते कम्पनीसमक्ष पेश गरेको लिखित विवरणमा तलब तथा अन्य भुक्तानीबापत कम्पनीले आफूलाई रु. ६६ लाख ७२ हजार ७८९ दिन बाँकी रहेको उल्लेख गरेका थिए। सोही दिन कम्पनीले उनलाई रु. ७ लाख को चेक उपलब्ध गराएको र त्यसपछि रु. ५९ लाख ७२ हजार ७८९ बाँकी रहेको विवरणमा उल्लेख गरिएको केशवराजले बताएका छन्।
उनका अनुसार नाताले भतिजसमेत पर्ने दीपकको आग्रहमा प्राइम बैंकबाट कम्पनी ऋणी हुने गरी बा २ क ३३९२ नम्बरको एक्साभेटर र बा १ प ९६६८ नम्बरको टिप्पर खरिद गरिएको थियो। ती सवारीसाधनको साँवा र ब्याजसहित कम्पनीले बैंकमा एक्साभेटरतर्फ रु. ८३ लाख ५७ हजार ८६० तथा टिप्परतर्फ रु. ३६ लाख ६९ हजार ६८८ गरी कुल रु. १ करोड २० लाख २७ हजार ५४८ भुक्तानी गरिसकेको उनको दाबी छ।
कँडेलका अनुसार हालसम्म दुवै सवारीसाधन कम्पनी तथा बैंककै नाममा दर्ता रहे पनि दीपककै प्रयोगमा छन्। उनले कुनै पनि बैंक किस्ता नतिरेको र कम्पनीको सम्पत्ति समेत फिर्ता नगरेकाले सवारीसाधन फिर्ताका लागि प्रहरीमा निवेदन दिइसकिएको उनले जनाएका छन्।
उनले कम्पनीको सम्पत्ति फिर्ता गरी प्रयोगबापतको हिसाब मिलाउन दीपक तयार भए सम्पूर्ण कागजात र प्रमाणका आधारमा हिसाब–किताब मिलाउन आफू र कम्पनी पूर्ण रूपमा तयार रहेको स्पष्ट पारेका छन्।
प्रेस विज्ञप्तिमा केही सञ्चारमाध्यममा आफूले दीपकलाई रु. १० करोड तिर्नुपर्ने दाबी सार्वजनिक गरिएकोप्रति पनि आपत्ति जनाइएको छ। उक्त दाबीलाई पूर्ण रूपमा कपोलकल्पित र आधारहीन भन्दै त्यसको आधार र प्रमाणसमेत सम्बन्धित निकायबाट छानबिन गरिनुपर्ने माग कँडेलले गरेका छन्।
सम्बन्धित समाचार
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.