कार्यक्रममा अभिनेत्री नीति शाहले चलचित्र यथार्थपरक कथामा आधारित रहेको बताउँदै दर्शकले फरक स्वादको अनुभव गर्ने विश्वास व्यक्त गरिन्। अभिनेता मुकुन भुसालले आफूलाई चलचित्रमा जीवन्त पात्रका रूपमा देख्न पाइने बताए भने प्रभातपाल ठकुरीले ‘जदौ’ आफ्नो अभिनय यात्राको महत्त्वपूर्ण चलचित्र भएको प्रतिक्रिया दिए। यसै चलचित्रबाट डेब्यु गरेकी राजश्री थापाले पनि आफ्नो पहिलो चलचित्रलाई दर्शकले माया गर्ने अपेक्षा व्यक्त गरिन्।

निर्देशक अञ्जन शर्माले उत्कृष्ट चलचित्र निर्माणका लागि कुनै सम्झौता नगरेको बताए। सहनिर्देशक तथा लेखक काजी लिम्बुले चलचित्रले मनोरञ्जनसँगै समाजलाई सकारात्मक सन्देश पनि दिने दाबी गरे।

श्याम तामाङ र नवराज उप्रेतीको छायांकन रहेको चलचित्रका निर्माता सृजना शर्मा र मनिष शर्मा हुन् भने शान्ति पुडासैनी कार्यकारी निर्माता रहेकी छन्। चलचित्रको देशव्यापी वितरण एनजीसीएन ग्रुपले गर्नेछ।