चितवन : निरन्तरको वर्षा र बढ्दो बाढी–पहिरोको जोखिमका कारण नारायणगढ–मुग्लिङ–काठमाडौं सडकखण्डमा रातिको सवारी आवागमन बन्द गरिएको छ।
जिल्ला प्रशासन कार्यालय चितवनले आइतबार सूचना जारी गर्दै आज राति १० बजेदेखि अर्को सूचना जारी नभएसम्म उक्त सडकखण्डमा सबै प्रकारका सवारी साधन सञ्चालन रोक्ने निर्णय गरेको जनाएको हो।
प्रमुख जिल्ला अधिकारी गणेश अर्यालका अनुसार चितवन, धादिङ तथा आसपासका क्षेत्रमा भारी वर्षाको सम्भावना रहेकाले सडकमा पहिरो खस्ने तथा अन्य प्राकृतिक विपद्को जोखिम बढ्न सक्ने भएकाले यात्रु र सवारी साधनको सुरक्षालाई ध्यानमा राख्दै यो निर्णय गरिएको हो।
प्रशासनले सर्वसाधारणलाई मौसमको अवस्था सामान्य नभएसम्म अनावश्यक यात्रा नगर्न अनुरोध गरेको छ। साथै आपत्कालीन अवस्था वा उद्धार तथा समन्वयका लागि नेपाल प्रहरी (१००), सशस्त्र प्रहरी बल (१११४), जिल्ला आपत्कालीन कार्य सञ्चालन केन्द्र तथा जिल्ला प्रहरी कार्यालय चितवनमा सम्पर्क गर्न सकिने जनाएको छ।
सम्बन्धित समाचार
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.