बालकलाकारतर्फ मुन्जन थापा मगर, नुलाम्मा बान्तावा र रिन्सी धनाहा मगर रहेका छन्। यसै चलचित्रमार्फत मिस सिक्किम साहारा हाङमा लिम्बूले नेपाली चलचित्रमा डेब्यु गरेकी छन्।

चलचित्रका निर्माता ओम घर्ती मगर, वीरबहादुर लामा, चन्द्रबहादुर भट्टचन, बेताने मगर (बबिता राना), मानबहादुर धनाहा मगर र सुस्मिता बुढाथोकी हुन्।

निर्देशक अशोक थापा मगरको डेब्यु चलचित्र ‘खुस्मा’ व्यावसायिक रूपमा सफल भएको थियो। चलचित्रको ‘रुकुम मैकोट’ गीत सामाजिक सञ्जालका विभिन्न प्लेटफर्ममा लोकप्रिय बनेपछि निर्देशक मगरको नयाँ चलचित्रप्रति पनि दर्शकको चासो बढेको छ।

‘खुस्मा’को सफलतापछि निर्माण भएको ‘जलाकी’ले पनि दर्शकको मन जित्ने विश्वास निर्देशक मगरले लिएका छन्। चलचित्रलाई गोविन्द शाहीको काफिया फिल्म्स र कुवेर सिने डिष्ट्रिब्युसनले वितरण गर्नेछन्।