चितवन । भोटेकोशी बाढीबाट प्रभावित नागरिकको राहत तथा पुनःस्थापनाका लागि भरतपुर महानगरपालिकाले १ करोड १ लाख रुपैयाँ सहयोग गर्ने भएको छ।
महानगरपालिकाको कार्यपालिका बैठकले बाढी प्रभावितको उद्धार, राहत तथा पुनःस्थापनामा सहयोग पुर्याउने उद्देश्यले उक्त रकम उपलब्ध गराउने निर्णय गरेको हो।
बाढी तथा पहिरोका कारण भोटेकोशी क्षेत्रमा ठूलो जनधनको क्षति भएपछि प्रभावित परिवारलाई राहत उपलब्ध गराउन महानगरले स्थानीय तहको तर्फबाट आर्थिक सहयोग गर्ने निर्णय गरेको कार्यवाहक प्रमुख चित्रसेन अधिकारीले जानकारी दिए।
यसैगरी, संघीय सरकारअन्तर्गतका सरकारी कर्मचारीको तलब कटौतीबाट ५३ लाख ६८ हजार रुपैयाँ सहयोग उपलब्ध गराउने तयारी भइरहेको अधिकारीले बताए।
बाढीपीडितका लागि थप सहयोग जुटाउन भरतपुर महानगरपालिकाले चितवनका सामुदायिक तथा निजी विद्यालयसँग पनि समन्वय गर्ने भएको छ। विद्यालयबाट सहयोग जुटाउने विषयमा जिल्लाका विद्यालय प्रतिनिधिसँग छलफल गर्ने तयारी गरिएको अधिकारीले जानकारी दिए।
भोटेकोशीमा आएको भीषण बाढी र पहिरोबाट ठूलो क्षति भएपछि पीडितको राहत तथा पुनःस्थापनाका लागि विभिन्न स्थानीय तह, संघसंस्था र नागरिकस्तरबाट सहयोग जुटाउने क्रम जारी छ।
महानगरपालिकाले पनि विपद्को समयमा प्रभावित नागरिकलाई तत्काल राहत र दीर्घकालीन पुनःस्थापनामा सहयोग पुर्याउने उद्देश्यले उक्त रकम सहयोग गर्ने निर्णय गरेको जनाएको छ।
सम्बन्धित समाचार
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.