राजेश हमालको जन्मदिनमा ‘गुन्द्रुक तिउन’ भिडियो सार्वजनिक

नमस्ते चितवन

शुक्रबार, जेठ २७, २०७९ मा प्रकाशित

जेठ २७ , काठमाडौं।अभिनेता राजेश हमालले आफ्नो ५८ औं जन्मदिन मनाउँदै आफू अभिनित नयाँ म्युजीक भिडियो ‘गुन्द्रुक तिउन’ सार्वजनिक गरेका छन् । झक्तपुरको ससुराली रेष्टुरेन्टमा पत्रकार भेटघाट गर्दै गीतको सार्वजनिक गरिएको हो । सोहि कार्यक्रममा अभिनेता हमालको जन्मदिनको उपलक्ष्यमा म्युजीक भिडियो टिमको तर्फबाट केक काटियो ।

कार्यक्रममा ससुराली रेष्टुरेन्टको तर्फबाट पोष्टरमा अभिनेता हमालको १८ औं जन्मदिन भनेर लेखिएको थियो । त्यसै प्रसंगमा सञ्चारकर्मिलको आज तपाईको कतिऔं जन्मदिन भन्ने प्रश्नमा हमालले ठट्टा गर्दै भने, ‘म जब १८ बर्ष पुगेको थिएँ त्यो समयदेखी उमेर गन्न छाडिदिएँ । त्यसैले १८ लेखिएको होला ।’

अभिनेता हमालले आफ्नो ५८ औं जन्मदिन मनाएका हुन् । जन्मदिनकै अवसरमा सार्वजनिक ‘गुन्द्रुक तिउन’ गीतको सार्वजनिक गर्न पाएकोमा खुसी ब्यक्त गर्दै हमालले अघि भने, ‘नेपाली मौलिक लोकगीतमा अभिनय गर्ने अवसर पाएँ त्यसका लागी टिमप्रति आभार ब्यक्त गर्छु ।’ राजु परियार र करुणा राईको स्वर रहेको गीतमा शब्द र संगीत गोविन्द पराजुलीको रहेको छ ।

यस्तै गीतको भिडियोमा अभिनेता हमालसँगै गायिका करुणा आफैले अभिनय गरेकी छिन् । गीतमा लगानी पनि करुणाकै रहेको छ । भिडियोको निर्देशन देवेन्द्र पाण्डेयले गरेका हुन् ।

गायिका करुणाले आफूले ‘गुन्द्रुक तिउन’ सहित अभिनेता हमालसँग तीनवटा भिडियोा काम गर्न पाएको बताइन् । उनले आफ्नो सानैदेखीको चाहाना पुरा भएको भन्दै खुसी ब्यक्त गरिन् । ‘मैले कहिल्यै सोचेकी पनि थिइन की राजेश दाईसँग यसरी भिडियोमा काम गर्न पाउँछु । यो मेरोलागी ठुलो अवसर हो ।’ गायिका करुणाले भन्नुभयो । ‘राजेश दाईले दिनुभयोको साथ र माया प्रति सधैं सम्मान छ ।’

यस्तै भिडियोका निर्देशक देवेन्द्र पाण्डेयले सधैं बौद्धिक, सालिन भएरै सबैको मन जित्नुभएका राजेश हमालसँग आफूले यसअघि पनि धेरै कामसँगै गर्न पाएको भन्दै हमालको कामलाई लिएर सम्मान ब्यक्त गरे । कार्यक्रममा शुभकामना दिनका लागी कलाकार उत्तम केसी (चुँईचुँई पारेर) पनि पुगेका थिए । उत्तमले जन्मदिनको शुभकामना दिँदै आफैले अभिनेता हमालसँग थुप्रै चलचित्रमा काम गर्ने मौका पाएको जानकारी गराए । कार्यक्रमको गोपिकृष्ण चापागाईंले सहजिकरण गरेका थिए । सार्वजनिक गीतको भिडियो रामकृष्ण चौलागाईले खिचेका हुन् भने स्टोरी देवा पौडेलको रहेको छ ।