चलचित्रमा निखिलसँगै दक्षिण भारतीय कलाकार रघु बाबू र रघु करुमन्चीको अभिनय रहेको छ। पूर्णिका सिजापती र सजिना श्रेष्ठले यही चलचित्रबाट अभिनयमा डेब्यु गर्दैछन्।

त्यस्तै, चलचित्रमा बलिउड कलाकार दीपजङ्ग राणा र रोहित चौधरीसँगै ध्रुव कोइराला, सुरेश कोहली, रञ्जित कोइराला, जेसिका पोखरेल, कृतिका, सरिता ज्ञवाली, अनुप तुलाधर, एलिस खनाल, अजय थापा, सुबिन गुरुङ, रोशनी र सोनिका वास्तोलालगायत कलाकारको अभिनय छ।

सौरभ लामा, मनु विक र नवराज थापाको छायांकन रहेको चलचित्रको एक्सन निर्देशन शुक्रराज शाहले गरेका हुन्। बन्दे प्रसादले सम्पादन गरेको चलचित्रको टिजर तथा ट्रेलर सन्देश शाहले तयार पारेका हुन्।

चलचित्रको नेपाल वितरण मनोज राठीले गर्दैछन् भने नेपालबाहिरको वितरणको जिम्मेवारी सेभेन सिज इन्टरनेसनलले लिएको छ। ओएसआर डिजिटल चलचित्रको डिजिटल पार्टनरका रूपमा रहेको छ।