दशैँको परिवेश र पारिवारिक संवेदनालाई केन्द्रमा राखिएको चलचित्रको मुख्य विषयवस्तु ‘दशैँको जमरा र आमाको पर्खाइको कथा’ हो।

चलचित्रमा पल शाह, मलिका महत, रिश्ता गुरुङ, निकिता आचार्य, विपना थापा, आकाश श्रेष्ठ, सबिन श्रेष्ठ, प्रदीप रावत, साइग्रेस पोखरेल, गजित विष्ट, नरेन खड्का र दिलिप अखेडालगायत कलाकारको मुख्य भूमिका रहनेछ।

चन्द्र पन्तको कथा, पटकथा तथा निर्देशनमा बनेको चलचित्रमा रोशन भट्ट र चन्द्र पन्त लेखकका रूपमा छन् भने संवाद रोशन भट्टले लेखेका हुन्। करण सिंह कार्यकारी निर्माता हुन्।

नवराज उप्रेतीको छायांकन, बाबुल गिरीको संगीत, गम्भीर बिष्टको नृत्य निर्देशन तथा साहिल खान र मिलन श्रेष्ठको सम्पादन रहेको चलचित्रको टिजर तथा ट्रेलर साहिल खानले तयार पारेका हुन्। ओएसआर डिजिटल डिजिटल पार्टनर रहेको चलचित्रलाई आरआर फिल्म्सले नेपालभर वितरण गर्नेछ।